އަދާލަތު ޕާޓީންގެ އެތެރޭގެ އިންތިހާބަކީ އެހެން ސިޔާސީ ޕާޓީތަކަށް ނަމޫނާއެއް ކަމަށް ހޯމް މިނިސްޓަރު އިމްރާން އަބްދުﷲ ވިދާޅުވެއްޖެއެވެ.
އޮންލައިންކޮށް ކުރިއަށްދިޔަ މި އިންތިޚާބުގައި 921 ވޯޓު އިމްރާނަށް ލިބިވަޑައިގެންނެވި އިރު، އަހުމަދު ޒާހިރުއަށް ލިބިވަޑައިގެންފައިވަނީ 167 ވޯޓެވެ. މި އިންތިހާބުގައި 1088 މީހުން ވޯޓު ލާފައި ވެއެވެ.
އިންތިހާބު ކާމިޔާބު ކުރެއްވުމަށްފަހު ޕީއެސްއެމް އަށް ދެއްވި އިންޓަވިއުއެއްގައި އިމްރާން ވިދާޅުވީ އަދާލުން އިއްޔެ ބޭއްވި އިންތިހާބަކީ ތާރީހީ އިންތިހާބެއް ކަމަށެެެެވެ.
އެގޮތުން މިއީ ރާއްޖޭގެ ސިޔާސީ ޕާޓީއަކުން ފުރަތަމަ ފަހަރަށް އީ ވޯޓިން ތައާރަފްކޮށް، އީ ވޯޓިންގެ ނިޒާމަކުން އިންތިހާބުގެ ކަންކަން ކުރިއަށްގެންދިޔަ ފުރަތަމަ ފަހަރު ކަމަށްވާއިރު މިއީ ލިބުނު ޝަރަފެއް ކަމަށްް އިމްރާންް ވިދާޅުވިއެވެ.
މީގެއިތުރުން އިމްރާން ވިދާޅުވީ ކުރިއަށް އޮތް ދައުރުގައި އެންމެ ބޮޑު އިސްކަމެއް ދެއްވާނީ ޒުވާން ލީޑަރޝިޕަކަށް ފުރުޞަތު ފަހިކުރުމަށް ކަމަށެވެ.
advertisment