ރޭގަނޑު 8:30 އިން ފެށިގެން ފަތިހު 4:30 އާ ހަމައަށް މަލޭ ސަރަހައްދުގައި އެއްގަމު އުޅަނދުފަހަރު ދުއްވުން މަނާކޮށްފިއެވެ. މިގޮތަށް މަނާކޮށްފައިވަނީ މާލޭގައި ކޮވިޑް-19 ގެ ކޭސްތައް އިތުރުވުމާއި ގުޅިގެންނެވެ.
މި ފިޔަވަޅުތައް އަޅާފައި ވަނީ 14 ދުވަހުގެ މުއްދަތަކަށެވެ.
މި ފިޔަވަޅު އަޅަން ނިންމާފައި ވަނީ މިހާރު މާލެ ސަރަހައްދުގައި ވަރަށް ބޮޑަށް ކޮވިޑް-19 ފެތުރެން ފެށުމާއި ގުޅިގެންނެވެ. އެގޮތުން އިއްޔެ ވެސް ރާއްޖެއިން ރެކޯޑް އަދަދަކަށް މީހުން ވަނީ ކޮވިޑް-19 އަށް ފައްސިވެފައެވެ.
އިއްޔެ ރާއްޖެއިން ކޮވިޑް-19 އަށް ފައްސިވީ 215 މީހެކެވެ.
ރާއްޖޭގައި މި ބަލި ޖެހިގެން މިހާތަނަށް 52 މީހަކު ވަނީ ނިޔާވެފައެވެ.