ކޮވިޑް ޖެހިގެން އިތުރު ދިވެއްސަކު ނިޔާވެއްޖެ

ކޮވިޑް-19 ޖެހިގެން އުމުރުން 70 އަހަރުގެ ދިވެއްސަކު ނިޔާވެއްޖެއެވެ.

އެޗްޕީއޭ އިން ބުނީ މިއަދު މެންދުރު 3:45 ހާއިރު ނިޔާވެފައިވާ އެމީހާ އަކީ ދަރުމަވަންތަ ހޮސްޕިޓަލުގައި ފަރުވާދެމުންދިޔަ މީހެއް ކަމަށެވެ.

މިއީ ރާއްޖެއިން ކޮވިޑް ޖެހިގެން ނިޔާވި 53 ވަނަ ފަރާތެވެ.

ރާއްޖެއިން މިހާތަނަށް 16،000 އަށް ވުރެ ގިނަ މީހުން ކޮވިޑަށް ޕޮޒިޓިވް ވެފައިވާއިރު، އޭގެތެރެއިން ބަލިން ރަނގަޅު ނުވެ ތިބީ 1833 މީހުން ކަމަށް އެޗްޕީއޭ އިން ބުނެއެވެ. އަދި އޭގެތެރެއިން 180 އަށް ވުރެ ގިނަ މީހުންނަށް އަންނަނީ ހޮސްޕިޓަލުގައި ފަރުވާ ދެމުންނެވެ.