ފުވައްމުލަކު ސިޓީގައި ކޮވިޑު-19 ފެތުރެމުންދާތީ ޖަމާއަތުގައި ނަމާދު ކުރުން މެެދު ކަނޑާލުމަށް އިސްލާމިކް މިނިސްޓްރީން އަންގައިފިއެވެ.
އިސްލާމިކް މިނިސްޓްރީން މިއަދު ނެރުނު ބަޔާނެއްގައި ބުނީ ފުވައްމުލަށް މޮނީޓަރިންގެ ހާލަތަށް ގެނެވިފައިވާތީ އާއި ހާލަތު އިތުރަަށް ގޯސްވަމުންދާ ކަމަށް ކަމާބެހޭ އިދާރާތަކުން މައުލޫމާތު ދެއްވާފައިވާތީ ރައްކާތެރިކަމުގެ ފިޔަވަޅެއްގެ މި މިއަދުގެ އަސްރު ނަމާދުން ފެށިގެން މި މަހުގެ 15 ވަނަ ދުވަހުގެ އަސްރު ނަމާދުގެ ނިޔަލަށް ފުވައްމުލަކުގެ ހުރިހާ މިސްކިތެއްގައި ނަމާދުގެ ޖަމާއަތް ނުހެދުމަށް އަންގާ ކަމަށެވެ.
އަދި މި ދަނޑިވަޅުގައި މިސްކިތުގެ ޖަމާޢަތުގައި ނަމާދު ނުކުރި ނަމަވެސް ފަރުޟު ފަސް ނަމާދު ބަރާބަރަށް އަދާކުރުމަށާއި، ސުންނަތް ނަމާދު ގިނަކޮށް، ގިނަގިނައިން ދުޢާކޮށް، އިސްތިޣްފާރު ކުރުމަށް ހުރިހާ ރައްޔިތުންނަށް ވެސް އެ މިނިސްޓްރީން ވަނީ ނަސޭހަތްތެރިވެފައެވެ.
ފުވައްމުލަކުން މިހާތަނަށް ފަސް މީހަކު ވަނީ ކޮވިޑް-19 އަށް ޕޮޒިޓިވް ވެފައެވެ.
advertisment