ރާއްޖެއިން ކޮވިޑް-19 ގައި އިތުރު މީހަކު މަރުވެއްޖެ އެވެ.
ހެލްތް އެމިޖެންސީ އޮޕަރޭޝަން ސެންޓަރު (އެޗްއީއޯސީ)އިން ބުނެފައިވަނީ، ހޭނާރާ އޮތް އަންހެނެއް އިމަޖެންސީގައި ރޭ ދަންވަރު 03:17 ހާއިރު އައިޖީއެމްއެޗްއަށް ގެނެސްފައިވާކަމަށެވެ.
އަދި ރޭ ދަންވަރު 03:46 ހާއިރު އެ އަންހެން މީހަކު މަރުވެފައިވާކަމަށް ޑޮކްޓަރުން ބުނެފައިވާކަމަށް މައުލޫމާތުދީފައިވެއެވެ.
ރޭ ގެ ވަގުތެއްގައި ވެސް އައިޖީއެމްއެޗްއަށް އިމަޖެންސީގައި ގެންދިޔަ މީހަކު މަރުވެފައިވާއިރު، އެއީ ވެސް ކޮވިޑް މަރެއްކަމަށް އެޗްއީއޯސީއިން މިއަދު ވަނީ ހާމަކޮށްފައެވެ.