ފޭދޫން އިތުރު މީހަކު ޕޮޒިޓިވް ވެއްޖެ

 ފޭދޫއިއިން އިތުރު މީހަކު ކޮވިޑް-19 އަށް ޕޮޒިޓިވް ވެއްޖެއެވެ.

އައްޑޫ އިމެޖެންސީ އޮޕަރޭޝަން ސެންޓަރުން ބުނިގޮތުގައި މިއަދުގެ ހަވީރު 18:00 އާއި ހަމައަށް އައްޑޫ އިން ޕޮޒިޓިވް ވެފައިވަނީ އެންމެ މީހެކެވެ.

އެމީހާ އަކީ ފޭދޫ އަށް ނިސްބަތްވާ ފަރާތެކެވެ. އެއާއެކު އައްޑޫ އިން ޕޮޒިޓިވްވި މީހުންގެ ޖުމްލަ އަދަދު މިހާރު ވަނީ 61 އަށް އަރާފައެވެ.

226 ތަނެއް ކަރަންޓީނަށް ލެވިފައިވާއިރު ޑައިރެކްޓް ކޮންޓެކްޓުންގެ އަދަދު 341 އަށް އަރާ ކަމަށް އެ ސެންޓަރުން ހާމަކުރެއެވެ.

މި ކޭސްތަކާ ގުޅިގެން އައްޑޫ މިވަގުތު މޮނީޓަރިންގެ ހާލަތަށް ގެނެސްފައިވާއިރު، ހަތް ދުވަހުގެ މުއްދަތަށް ރޭގަނޑު 8 އިން ފަތިހު 4 އަށް އައްޑޫގައި އަންނަނީ ކާފިއު ވެސް ހިންގަމުންނެވެ. އަދި ހަފްތާގެ މުއްދަތަށް އައްޑޫ އިން ރެންޑަމް ސާމްޕަލް ނެގުމުގެ މަސައްކަތް ވެސް މިހާރު ވަނީ ފަށާފައެވެ.