ބަނގުރާ ފުޅިތަކެއް ހިގައިގެން ދުއްވާފަ ދިޔަ ދެ މީހަކު ފުލުހުން ހައްޔަރު ކޮށްފިއެވެ.
ފުލުހުން މިރޭ ވިދާޅުވީ، އެ ދެމީހުން ހައްޔަރު ކޮށްފައިވަނީ 19:30 އެހާކަންހާއިރު އަސްރަފީ ބުކްޝޮޕް ކައިރިން ކަމަށެވެ.
އެގޮތުން އެ ދެ މީހުން ވަނީ ފުލުހުން ހުއްޓުވުމުން އެމީހުން ގެންގުޅުނު ބަނގުރާ ކަމަށް ޝައްކު ކުރެވޭ އެއްޗެއް ހުރި ތިން ފުޅި މަގުމައްޗަށް ވައްޓައި ތަޅާލާފައިވާ ކަމަށް ފުލުހުން ބުނެއެވެ. އެ ދެ މީހުން ހުއްޓުވީ ވަންވޭއާ އިދިކޮޅަށް ދުއްވާފައި ދަނިކޮށް ކަމަށްވެސް ފުލުހުން ބުނެއެވެ.
މި މައްސަލަ ފުލުހުން ދަނީ ތަހުގީގު ކުރަމުންނެވެ.
advertisment