އިތުރަށް ބޭނުންވާ ފައިސާ ނުލިބި އިންތިހާބު ނުބޭއްވޭނެކަމަށް އިލެކްޝަން ކަމިޝަން (އީސީ)ގެ ރައިސް އަހުމަދު ޝަރީފު ވިދާޅުވެއްޖެއެވެ.
ރައްޔިތުންގެ މަޖިލީހުގެ މާލިއްޔަތު ކޮމެޓީގައި މިއަދު ވާހަކަފުޅު ދައްކަވަމުން ޝަރީފު ވިދާޅުވީ އިންތިހާބު ބޭއްވުމަށް ހިނގާ ހަރަދު ބޮޑުވަނީ ހެލްތު ޕްރޮޓެކްޝަން އެޖެންސީ (އެޗްޕީއޭ)ގެ ގައިޑުލައިންނާއި އެއްގޮތަށް ލޯކަލް ކައުންސިން އިންތިހާބު ބާއްވާތީ ކަމަށެވެ.
އަދި އެކަމަށް ބޮޑު ހަރަދެއް ހިނގާ އިރު އެފައިސާ ނުލިބި އިންތިހާބު ނުބޭއްވޭނެކަމަށެވެ.
ޝަރީފު ވިދާޅުވީ އެންމެ ބޮޑު ހޭދައެއް ހިނގަނީ ވޯޓުލާ މަރުކަޒުގެ ކަންކަން އެޗްޕީއޭގެ ގައިޑުލައިންނާއި އެއްގޮތަށް ކުރުމަށް ކަމަށެވެ.
އެގޮތުން ކޮންމެ ވޯޓުލާ މަރުކަޒަކަށް އިތުރަށް ތިން އޮފިޝަލުން ނަގަން ޖެހޭކަމަށެވެ.
ލޯކަލް ކައުންސިލް އިންތިހާބަށް ދައުލަތުން ކަނޑައަޅާފައިވަނީ 51 މިލިއަން ރުފިޔާގެ ބަޖެޓެކެވެ. ނަމަވެސް އެޗްޕީއޭގެ ގައިޑުލައިނާއި އެއްްގޮތަށް އިންތިާބު ބާއްވަން އިތުރު 42 މިލިއަން ރުފިޔާ ބޭނުންވާ ކަމަށް ޝަރީފު ވަނީ ވިދާޅުވެފައެވެ.
One Response
އަޅެެ ޕުލީޒު ކޮންމެ ވެސް އެއް ލަވަ އެއް ކިޔާ ބަލަ