އަށް މީހުންނާއިއެކު ދަތުރުކުރި ބޯޓެއް ލ. މާމެންދޫ ނެރުމައްޗަށް އުރިއްޖެ އެވެ.
އެމްއެންޑީއެފުން ބުނީ ބަނދަރަށް ވަންނަނިކޮށް މާމެންދޫ ނެރުމައްޗަށް އުރިފައިވަނީ “ގެލެކްސީ 2” ނަމަކަށް ކިޔާ ކާގޯ ބޯޓެއް ކަމަަށެވެ.
އެމްއެންޑީއެފް އިން ބުނީ ނެރު މައްޗަށް ދޯނި އުރުނު އިރު އޭގަ އަށް މީހުން ތިބި ކަމަށެވެ. އަދި މިހާރު އެ ސަރަހައްދުގައި އެމްއެންޑީއެފްގެ ސެންޓަރަލް އޭރިއާ ކޯސްޓް ގާޑުގެ ޑައިވަރުން ހަރަކާތްތެރި ވަމުންދާ ކަމަށް އެމްއެންޑީއެފް އިން ބުނެއެވެ.
މިހާދިސާގެ ރިޕޯޓް ލިބިފައިވަނީ މިރޭ 20:30 ހާއިރު ކަމަށާއި ހާދިސާއާއި ބެހޭ އިތުރު މައުލޫމާތު ހިއްސާކުރަމުން ދާނެ ކަމަށް އެމްޑީއެފްއިން ވަނީ ބުނެފައެވެ.