އިދިކޮޅު ޕީޕީއެމް އޮފީސް އަށް ދެވެން ހުރި ހުރިހާ މަގުތަކެއް ބެރިކޭޑު ޖަހައި ފުލުހުން ބަންދުކޮށްފިއެވެ.
ފުލުހުން މަގުތައް ބަންދުކޮށްފައި މިވަނީ، އިދިކޮޅު ކޯލިޝަނުން މިއަދު މާލޭގައި މުޒާހަަރާ ކުރަން ނިންމާފައި ވަނިކޮށެވެ. އިދިކޮޅުން ކޮންމެ ދުވަހަކު ވެސް މުޒާހަރާތައް ފަށަނީ ޕީޕީއެމް އޮފީސް ދޮރުމަތިންނެވެ.
އިދިކޮޅު ފަރާތްތަކުން މުޒާހަރާއަށް ތައްޔާރުވަމުން އަންނަ އިރު މިއަދުން ފެށިގެން 5 މީހުންނަށް ވުރެ ގިނައިން އެއްތަނަކަށް އެއްވުމަކީ މަނާކަމެއް ކަމަށް ހެލްތު ޕްރޮޓެކްޝަން އެޖެންސީ އިން ވަނީ ކަނޑައަޅާފައެވެ.