ޕޮޒިޓިވްވި މީހުންގެ އަދަދު 21،000 އަށް އަރައިފި

މިއަދު 115 މީހަކު ޕޮޒިޓިވްވެ، ރާއްޖެއިން ކޮވިޑް-19 އަށް ޕޮޒިޓިވްްވި މީހުންގެ ޖުމްލަ އަދަދު 21،000 އަށް ވުރެ މައްޗަށް އަރައިފިއެވެ.

ހެލްތު ޕްރޮޓެކްޝަން އެޖެންސީ (އެޗްޕީއޭ) އިން މިރޭ އާއްމު ކުރި މައުލޫމާތުން ދައްކާގޮތުގައި ފާއިތުވި 24 ގަޑި އިރު ތެރޭ ރާއްޖެއިން ވަނީ 115 މީހުން ކޮވިޑު-19 އަށް ޕޮޒިޓިވްވެފައެވެ

. ޕޮޒިޓިވްވީ މީހުންގެ ތެރެއިން 98 މީހުން ޕޮޒިޓިވްވެފައިވަނީ މާލެ ސަރަހައްދުންނެވެ.

18428 މީހުން ބަލިން ރަނގަޅުވެފައިވާ އިރު 165 މީހަކަށް ހޮސްޕިޓަލުގައި ދަނީ ފަރުވާ ދެމުންނެވެ. ރާއްޖެއިން މިހާތަަނަށް މިބަލީގައި 64 މީހަކު ވަނީ މަރުވެފައެވެ.