ރަސްމީ ދަތުރުފުޅެއްގައި ރައީސް އިބްރާހިމް މުހައްމަދު ސޯލިހު ގަތަރާއި ބަންގްލަދޭޝް އަށް ވަޑައިގަންނަވާ ގޮތަށް ހަމަޖެހިއްޖެއެވެ.
ރައީސް އޮފީހުގެ ތަރުޖަމާނު މަބްރޫކް އަޒީޒް ވިދާޅުވީ ރަސްމީ ދަތުރުފުޅެއްގައި ރައީސް ގަތަރަށް ވަޑައިގަންނަވާނީ މި މަހުގެ 14 ވަނަ ދުވަހު ކަމަށެވެ. މި ދަތުރުފުޅަކީ ގަތަރާއި ރާއްޖެއާ ދެމެދު އަލުން ގުޅުން ގާއިމުކުރުމު ގުޅިގެން ކުރައްވާ ދަތުރުފުޅެއް ކަމަށް މަބްރޫކް ވިދާޅުވިއެވެ.
އަދި މި މަހުގެ 15 ވަނަ ދުވަހު ރަސްމީ ދަތުރުފުޅެއްގައި ރައީސް ބަންގްލަދޭޝް އަށް ވެސް ވަޑައިގަންނަވާ ގޮތަށް ހަމަޖެހިފައިވާ ކަމަށް މަބްރޫކް ވިދާޅުވިއެވެ. މިއީ ބަންގްލަދޭޝްގެ މިނިވަންކަމަށް 50 އަހަރު ފުރުމާއި ގުޅިގެން ކުރައްވާ ދަތުރުފުޅެކެވެ.