ޓްރާންސްޕޯޓް މިނިސްޓަރު އައިޝަތު ނަހުލާއަށް ފުރިހަމަ އަށް އިތުބާރު އެބަ އޮތް ކަމަށް ރައީސް އިބްރާހިމް މުހައްމަދު ސޯލިހު ވިދާޅުވެއްޖެ އެވެ.
“ޓްރާންސްޕޯޓް މިނިސްޓަރަކީ ވަރަށް ބުރަކޮށް މަސައްކަތް ކުރައްވާ، އަޅުގަނޑުމެންގެ އިތުބާރު އޮތް މިނިސްޓަރެއް” މިއަދު ބޭއްވި ނޫސްވެރިންގެ ބައްދަލުވުމެއްގައި ރައީސް ވިދާޅުވިއެވެ.
ރައީސް ވިދާޅުވީ ޓްރާންސްޕޯޓް އޮތޯރިޓީ އާއި މިނިސްޓްރީގެ މެންޑޭޓުގައި ފުށުއެރުންތަކެއް ހުރުމުން މައްސަލަތަކެއް ދިމާވަމުންދާ ކަމަށާއި އެކަން ނައްތާލުމަށްޓަކާ ކޮންމެވެސް އެއް ތަނެއް އުވާލަންޖެހޭ ކަމަށް ރައީސް ވިދާޅުވިއެވެ.
އެގޮތުން ޓްރާންސްޕޯޓު އޮތޯރިޓީ އުވާލައި ޓްރާންސްޕޯޓު މިނިސްޓްރީ އަށް ބާރުތައް ބަދަލުކުރަން ނިންމާފައިވާ ކަމަށް ރައީސް ވިދާޅުވިއެވެ.