އިދިކޮޅު ޕީޕީއެމް/ޕީއެންސީ އިން މިއަދު މާލޭގައި ބޭއްވި އެއްވުމުގެ ތެރެއިން ހަތް މީހަކު ހައްޔަރުކޮށްފިއެވެ.
އިދިކޮޅު ކޯލިޝަނުގެ ތަރުޖަމާނު ހީނާ ވަލީދު ވިދާޅުވީ ހައްޔަރުކުރި މީހުންގެ ތެރޭގައި ހޯރަފުށި ދާއިރާގެ ކުރީގެ މެމްބަރު މުހައްމަދު އިސްމާއިލް އާއި ހުޅުދޫ ދާއިރާގެ މެމްބަރު މުހައްމަދު ޝާހިދު (ޝާޑު) ހިމެނޭ ކަމަށެވެ.
އިދިކޮޅުގެ މިއަދުގެ އެއްވުމަކީ އިންޑިއާ ސިފައިން ރާއްޖެއިން ފޭބުމަށް ގޮވާލާ ކުރިއަށްގެންދާ އެއްވުމެކެވެ.
އިދިކޮޅުން މިއަދު ވަނީ އުތުރު ތިލަފަޅުގެ ޑްރާފްޓް އެއްބަސްވުންކަމަށް ބުނެ އިއްޔަ ސޯޝަލް މީޑިއާގައި ލީކުކުރި ޑްރާފްޓް ލިޔުމާއި ގުޅިގެން ރައީސް އިބްރާހިމް މުހައްމަދު ސޯލިހް މަގާމުން ދުރުކުރަން ގަރާރެއް ވެސް ފާސްކޮށްފައެވެ.
advertisment