ވެމްކޯއިން ކ. ގުޅި ސާފުކޮށް 700 ޓަނުގެ ކުނި ބޭރުކޮށްފިއެވެ.
ވެމްކޯއިން ބުނީ އެ ކުންފުނިން ކުރިއަށް ގެންދާ “އެކިއުމިލޭޓެޑް ވޭސްޓް ކްލިއަރިންގ ޕްރޮޖެކްޓް” ގެ ދަށުން ކ. ގުޅިން ވަނީ 700 ޓަނުގެ ކުނި ނަގާފައެވެ. މިކަމަށް ހޭދަވީ ގާތްގަނޑަކަށް 24 ގަޑިއިރު ކަމަށްވެސް ވެމްކޯ އިން ވަނީ ބުނެފައެވެ.
ރަށްރަށުގައި ހުރި ގިނަ ދުވަސްވެފައިވާ ކުނި ނައްތާލުމަށް ވެމްކޯއިން ފަށައިފައިވާ މަސައްކަތުގެ ދަށުން އެންމެ ފުރަތަމަ ސާފުކޮށްފައި ވަނީ ކުޅުދުއްފުށި ސިޓީއެވެ. އެގޮތުން، އެ ސިޓީއިން 400 ޓަނުގެ ކުނި ސާފުކޮށްފައިވެއެވެ.