މާލެ ސަރަހައްދުގެ ސްކޫލުތަކުގައި އެލްކޭޖީއިން ފެށިގެން ގްރޭޑް 6 އަށް އޮންލައިންކޮށް ކިޔަވައިދޭން ނިންމި ނިންމުން އިތުރު ހަފްތާއަކައް ދިގުދަންމާލައިފި އެވެ.
އެޑިއުކޭޝަން މިނިސްޓްރީން ބުނީ އަންނަ ހަފްތާގައި ވެސް މާލެ ސަރަހައްދުގެ ސްކޫލުތަކުގެ އެލްކޭޖީއިން ފެށިގެން ގުރޭޑް 6 އަށް އޮންލައިންކޮށް ކިޔަވައިދޭން ނިންމާފައިވާ ކަމަށެވެ.
އަދި ގުރޭޑް 7 އިން ފެށިގެން 12 ގެ ދަރިވަރުން ކިޔެވުން ކުރިއަށް ގެންދިޔުމަށް ހަމަޖެހިފައިވަނީ ސްކޫލަށް ހާޒިރުވެގެން ކަމަށް މިނިސްޓްރީން ބުނެއެވެ.
ރާއްޖެއިން މިހާތަނައް ޕޮޒިޓިވްވީ ޖުމްލަ މީހުންގެ އަދަދު ވަނީ 21،961 އަށް އަރާފައެވެ. 19519 މީހުން ބަލިން ރަނގަޅުވެފައިވާ އިރު 118 މީހަކަށް ހޮސްޕިޓަލުގައި ދަނީ ފަރުވާ ދެމުންނެވެ.
ރާއްޖެއިން މިހާތަަނަށް މިބަލީގައި 64 މީހަކު ވަނީ މަރުވެފައެވެ.
advertisment