ވެރިކަމަށް އައުމަށާއި ރައްޔިތުންގެ މަޖިލީހުގެ ގޮނޑި ހޯދުމަށް އެމްޑީޕީންވީ ވައުދުގެ އެންމެ ޕަސެންޓެއް ވެސް ނުފުއްދޭ ކަމަށް ކުރީގެ ނައިބް ރައީސް މުހައްމަދު ޖަމީލް އަހުމަދު ވިދާޅުވެއްޖެއެވެ.
ޖަމީލް މިއަދު ކުރެއްވި ޓްވީޓެއްގައި ވަނީ ކުރީގެ ރައީސް އަބްދުﷲ ޔާމީން އެޅުއްވި ފްލެޓް ހަވާލުކޮށް، ހޮސްޕިޓަލާއި މިސްކިތް ތިން އަހަރުންވެސް ނުހުޅުވުނީ ކޮންބާރެއް ނެތިގެންތޯ ސުވާލު ކުރައްވާފައެވެ.
“އެމްޑީޕީ ކައުންސިލަރުން/މޭޔަރުން އުޅުއްވަނީ ގޮނޑިދުއްވާ ފަރާތްތަކާއެކު ބިރަކާނުލާ މަޖާކުރަން. ސާފު ޗޮއިސްއަކީ ޕީޕީއެމް.” ޖަމީލް ވިދާޅުވިއެވެ.
މި މަހުގެ 10 ވަނަ ދުވަހު އޮންނަ ލޯކަލް ކައުންސިލު އިންތިޚާބުގައި އެންމެ ބޮޑު ވާދަވެރިކަމެއް ފެންނަމުންދަނީ މާލެ ސިޓީ ކައުންސިލުގެ މޭޔަރުކަމުގެ ގޮނޑިއަށް ވާދަކުރައްވާ ކެނޑިޑޭޓުންނާއި އެ ކެނޑިޑޭޓުންގެ ޕާޓީތަކުގެ މެދުގައެވެ.