ޒަމާނީ ފުލުހުންގެ ޚިދުމަތެއް ދިނުމަށް އިސް ސަފުގައި މަސައްކަތްކުރާ އަންހެން އޮފިސަރުންގެ ދައުރު މުހިންމުކަމަށް ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙް ވިދާލުވެއްޖެއެވެ.
ރައީސް ސޯލިހު މިހެން ވިދާޅުވީ ސްޕްރިންޓެންޑެންޓް އޮފް ޕޮލިސްގެ މަޤާމަށް ފުރަތަމަ ފަހަރަށް ތިން އަންހެން ފުލުހުން އިއްޔެ އައްޔަކުރެއްވުމާއި ގުޅިގެންނެވެ.
ރައީސް ވަނީ ސުޕްރިންޓެންޑެންޓް އޮފް ޕޮލިސްގެ މަޤާމަށް އައްޔަންކުރެއްވި ފާތިމަތު ނަޝްވާ އާއި މަރިޔަމް އަޒްމާ އަދި އިޒްމިއާ ޒާހިރަށް މަރުޙަބާ ދަންނަވާފައެވެ. އަދި ރައްޔިތުންނާ ގާތުން ޒަމާނީ ޚިދުމަތެއް ދިނުމަށްޓަކައި، އިސް ސަފުގައި އަންހެން ފުލުހުންގެ ދައުރު މުހިންމުކަމަށް ރައީސް ވިދާޅުވިއެވެ.