ފުލުހުންގެ ހައްޔަރުގައި ހުރި އަންހެނަކަށް އަނިޔާކޮށްފައިވާ ކަމަށް މަޑުއްވަރީ ދާއިރާގެ މެމްބަރު އަދި ޕީއެންސީގެ ނައިބު ރައީސް އާދަމް ޝަރީފު އުމަރު ތުހުމަތު ކުރައްވައިފިއެވެ.
އާދަމް ޝަރީފް ކުރެއްވި ޓްވީޓެއްގައި ވިދާޅުވީ ފުލުހުންގެ ހައްޔަރުގައި ހުރި އަންހެނަކަށް ހާލަތާއި ނުބައްދަލު ބާރުގެ ބޭނުންކޮށްފައިވާތީ އެކަމާ ކަންބޮޑުވާ ކަމަށެވެ.
އޭނާ ވަނީ އެ އަންހެން މީހާގެ އަތުގެ އެކްސްރޭގެ ފޮޓޯތައް ވެސް ޓްވީޓު ކުރައްވާފައެވެ. އަދި މިއީ ބަލައިގަނެވޭނެ ކަމެއް ނޫން ކަމަށާއި މިކަން ރައްޔިތުންގެ މަޖިލީހަށާއި ކަމާބެހޭ ފަރާތްތަކަށް ރިޕޯޓު ކުރައްވާނެ ކަމަށް އޭނާ ވިދާޅުވިއެވެ.
Deeply concerned that @PoliceMv has used excessive abusive force to a female in their custody last night. Damage to the hands and arms are evident. This is not acceptable and will be reported to @mvpeoplesmajlis and other authorities. pic.twitter.com/92FPtC3OC3
— Adam Shareef Umar (@Adamshareefz) April 17, 2021
މި މައްސަލައިގެ އިތުރުން ޓެރަރިޒަމްގެ ތުހުމަތުގައި ބަންދުކޮށްފައިވާ ތ. ތިމަރަފުށީ އަސްރަފީވިލާ އަހުސަން މުހައްމަދަށް އަނިޔާކުރި ކަމަށް ބުނާ މައްސަލަ އެއް ވެސް ދާދިފަހުން ވަނީ ފެންމަތިވެފައެވެ.