ކުރީގެ ރައީސް އަބްދުﷲ ޔާމީން އަބްދުލް ގައްޔޫމް ކޮވިޑް ވެކްސިންގެ ފުރަތަމަ ޑޯޒް ޖައްސަވައިފި އެވެ.
މޯލްޑިވްސް ކަރެކްޝަނަލް ސާވިސް އިން ބުނީ މިރޭ ރައީސް ޔާމީން މާލެ ގެނެސް، ކޮވިޑް ވެކްސިން ޖައްސަވާފައިވާ ކަމަށެވެ. ނަމަވެސް ރައީސް ޔާމީން ޖެއްސެވީ ކޮން ވެކްސިނެއް ކަމެއް ކަރެކްޝަނުން ހާމައެއް ނުކުރެއެވެ.
ކޮވިޑް 19 އިން ރައްކާތެރިވުމަށް ވެކްސިން ޖެެއްސެވުމަށް މި މަހުގެ 14 ވަނަ ދުވަހުގެ ރޭ ވެސް ރައީސް ޔާމީން މާލެ ގެނައެވެ. ނަމަވެސް ވެކްސިން ޖައްސަވަން އެރޭ އެމަނިކުފާނު ދެކޮޅު ހެއްދެވި ކަމަށް ކަރެކްޝަނުން ވަނީ ބުނެފައެވެ. ނަމަވެސް ރައީސް ޔާމީންގެ ވަކީލުން ވަނީ މިކަން ދޮގު ކުރައްވާފައެވެ.
advertisment