ކުރިއަށް ވުރެ ޓޫރިސްޓުންނަށް މިހާރު ރާއްޖެ މާ ރައްކާތެރިވާނެ ކަމަށް ޓޫރިޒަމް މިނިސްޓްރީން ބުނެފިއެވެ.
އެ މިނިސްޓްރީން މިހެން ބުނެފައިވަނީ ޓޫރިޒަމް އިންޑަސްޓްރީގައި މަސައްކަތް ކުރާ މީހުންނަށް ކޮވިޑް ވެކްސިން ދީފައިވާ ތަފާސް ހިސާބުތައް އާންމު ކުރަމުންނެވެ. އެ މިނިސްޓްރީން ބުނީ ރިސޯޓްތަކުގައި މަސައްކަތް ކުރާ މުވައްޒިފުންގެ 99 ޕަސެންޓް މުވައްޒިފުން ކޮވިޑް-19 އިން ރައްކާތެރިވުމަށް ޖަހަން ޖެހޭ ވެކްސިންގެ ފުރަތަމަ ޑޯޒް ޖަހާފައިވާ ކަމަށެވެ. އަދި 25 ޕަސެންޓް މުވައްޒިފުން ދެވަނަ ޑޯޒް ޖަހާ ވެކްސިން ފުރިހަމަ ކޮށްފައިވާ ކަމަށެވެ.
އެހެންވެ ކުރިއަރާ ބަލާއިރު ޓޫރިސްޓުންނަށް ރާއްޖެ މިހާރު މާ ރައްކާތެރިވާނެ ކަމަށް މިނިސްޓްރީން ބުނެ އެވެ.
ޓޫރިޒަމް މިނިސްޓްރީން މިހެން ބުނިއިރު ރާއްޖެ އިން އަންނަނީ ރެކޯޑު އަދަދަކަށް މީހުން ޕޮޒިޓިވް ވަމުންނެވެ. އެގޮތުން އިއްޔެ ވެސް 600 އާއި ގާތްކުރާ އަދަދަކަށް މީހުން ޕޮޒިޓިވް ވެފައެވެ.