ރާއްޖެ އިން ކޮވިޑް19 އަށް ފަރުވާ ހޯދަމުން ދިޔަ އިތުރު މީހަކު މަރުވެއްޖެއެވެ.
ހެލްތު ޕްރޮޓެކްޝަން އެޖެންސީ (އެޗްޕީއޭ) އިން ބުނީ ދަރުމަވަންތަ ހޮސްޕިޓަލުގެ ޑީއެޗް11 ގައި ފަރުވާ ދެމުން ދިޔަ އުމުރުން 73 އަހަރުގެ ދިވެހި އަންހެނަކު މަރުވެފައިވާ ކަމަށެވެ. އެމީހާ މަރުވީ މިއަދުގެ 12:10 އެހާކަށްހާއިރުއެވެ.
މިއީ ކޮވިޑް ބަލީގައި ރާއްޖެ އިން މަރުވި 104ވަނަ މީހާއެވެ. އިއްޔެ އެކަނިވެސް މި ބަލީގައި ހަތަރު މީހުން ރާއްޖެ އިން ވަނީ މަރުވެފައެވެ.