މާލެ ސަރަހައްދުގެ މިސްކިތްތަކަށް ނަމާދަށް އެރި އެއްވެސް މީހަކު ޖޫރިމަނާކޮށްފައި ނުވާ ކަމަށް ފުލުހުން ބުނެފިއެވެ.
ފުލުހުން މިހެން ބުނެފައިވަނީ މިސްކިތްތަކަށް އަރައި ނަމާދު ކުރާ ފަރާތްތައް ޖޫރިމަނާ ކުރަން ފަށާފައިވާ ކަމަށް ބުނެ ފަތުރަމުންދާ ވާހަކަތަކާ ގުޅިގެންނެވެ.
އެކަމާ ގުޅިގެން ފުލުހުން ބުނީ މިސްކިތަށް އަރައިގެން އެއްވެސް މީހަކު ޖޫރިމަނާކޮށްފައި ނުވާނެ ކަމަށެވެ.
މާލޭގައި މިސްކިތަކަށް އަރައި ނަމާދު ކުރި ކަމަށް ބުނެ 1،000 ރުފިޔާއިން ޖޫރިމަނާ ކުރިކަމަށް ބުނެ މީހަކުވަނީ ސޯޝަލް މީޑިއާގައި ހިތްހަމަ ނުޖެހުން ފާޅުކޮށްފައި އެވެ.