ބްރޯޑްކާސްޓިން ކޮމިޝަންގެ މެމްބަރުންނަށް ހެލްތު އިންޝުއަރެންސް ދޭނެ ފަރާތެއް ހޯދުމަށް އިއުލާންކޮށްފި އެވެ.
ބްރޯޑްކާސްޓިންގ ކޮމިޝަނުން ކޮށްފައިވާ އިއުލާނެއްގައި ބުނީ ކޮމިޝަންގެ މެންބަރުންނާއި އެ މެންބަރުންގެ އަނބިއަނބިކަނބަލުންނާއި، ފިރިކަލުންނާއި އަދި އުމުރުން 18 އަހަރު ނުފުރޭ ދަރީންނަށް އަންނަ މަހުގެ 15 އިން ފެށިގެން އެއް އަހަރު ދުވަހަށް ހެލްތު އިންޝުއަރެންސްގެ ޚިދުމަތް ފޯރުވައިދޭނެ ފަރާތެއް ބޭނުންވާ ކަމަށެވެ.
މިކަމަށް ޝައުޤުވެރިވާ ފަރާތްތަކުން މި މަހުގެ 14 ވަނަ ދުވަހުގެ 9:30 އަށް ކޮމިޝަނަށް ވަޑައިގެން އަންދާސީ ހިސާބު ހުށަހެޅުމަށް ވަނީ އެދިފައެވެ. އަދި ގަޑިއަށް ހާޒިރުނުވާ ފަރާތްތަކާއި މަޢުލޫމާތު ފުރިމަނުވާ އަންދާސީ ހިސާބުތައް ބަލައި ނުގަންނާނެ ކަމަށްވެސް ބުނެފައިވެއެވެ.