ސްނޯކްލިން އަށް ދިޔަ ފަތުރުވެރިޔަކު މަރުވެއްޖެ

އައްޑޫ ސިޓީ އިން ސްނޯކްލިން އަށް ދިޔަ ފިރިހެން ފަތުރުވެރިޔަކު މަރުވެއްޖެއެވެ.

އެމްއެންޑީއެފުން ބުނީ ހާދިސާގެ ރިޕޯޓު ސަދަން އޭރިއާ ކޯސްޓްގާޑަށް ކޮށްފައިވަނީ ހަވީރު 3:30 ހާއިރު ކަމަށެވެ.

އައްޑޫ ސިޓީ ގަމުގައި ހުންނަ އީކުއޭޓާ ވިލެޖު ގެސްޓް ހައުސް ހިމެނޭ ސަރަހައްދުގެ ފަރު ބޭރުން މަރުވެފައި އޮއްވާ ފެނުނީ އެ ގެސްޓު ހައުސްގެ އިރު އުތުރު ފަރު ބޭރުގައި އެވެ. އެމްއެންޑީއެފް ޑައިވަރުން މިހާރު ވަނީ އެމީހާގެ ހަށިގަނޑު ނަގާފައި އެވެ.

އެންއެންޑީއެފުން ބުނީ އެމީހާގެ ހަށިގަނޑު ފޭދޫ ސިއްހީ މަރުކަޒަށް މިއަދު ހަވީރު 4:36 ހާއިރު ގެންގޮސްފައިވާ ކަމަށެވެ.