ރޯޑް ޑިވެލޮޕްމަންޓް ކޯޕަރޭޝަން (އާރުޑީސީ) ފަޅާލައި ވައްކަން ކުރަމުންދަނީ އިދިކޮޅު ފަރާތްތަކުން ކަމަށްބުނެ އެކުންފުނީގެ މެނޭޖިންގ ޑައިރެކްޓަރ މޫސާ ޢަލީ މަނިކު (މޫކޭ) ދެއްކެވި ވާހަކަތަކަށް އިދިކޮޅު ކޯލިޝަނުން ރައްދު ދީފިއެވެ.
އިދިކޮޅު ކޮލިޝަންގެ ތަރުޖަމާނު ހީނާ ވަލީދު ވިދާޅުވީ ޕީޕީއެމް/ޕީއެންސީ އަކީ އެއްވެސް އިރަކު ހުޅުޖަހާ ރައްޔިތުންގެ މުދަލަށް ގެއްލުންދޭ ބައެއް ނޫން ކަމަށާއި އަދި އެކަމަށް ހިތްވަރުދީ ތާއީދު ވެސް ނުކުރާނެ ކަމަށެވެ.
“އެފަދަ ކަންކަން ހިންގުމުގެ މާޒީއެއް އޮތީ މި ސަރުކާރުގައި ތިއްބެވި ބޭފުޅުންގެ. އެކަން ފެބްރުއަރީ 8 ގައި ރާއްޖޭގެ ހުރިހާ ދިމާލަކުން ފެނިގެންދިޔަ” ހީނާ ވިދާޅުވިއެވެ.
އާރްޑީސީ އޮފީހުން ރޭ ވައްކަންކޮށްފައިވާއިރު، އެކަންކޮށްފައިވަނީ އެ އޮފީހުގެ ސީލިންގ ފޫއަޅުވާލައިގެންނެވެ. ނަމަވެސް އެ އޮފީހުން ގެންދިޔަ ތަކެތީގެ ތަފްސީލެއް ލިބިފައެއް ނުވެއެވެ.
advertisment