މޫސުމީ ބަދަލުތަކަކީ ރާއްޖެއަށް އޮތް ނުރައްކަލެއް: ޝައުނާ

މޫސުމީ ބަދަލުތަކަކީ ރާއްޖެ ދެމިއޮތުމާއި ނެތިދިއުމަށް އޮތް ނުރައްކަލެއްކަމަށް އެންވަރަންމެންޓް މިނިސްޓަރ، އާމިނަތު ޝައުނާ ވިދާޅުވެއްޖެއެވެ.

ކޮޕް26 ގައި ބައިވެރިވަޑައިގެނ،ް ދެއްވި އިންޓެވިއުއެއްގައި ޝައުނާ ފާހަގަ ކޮށްފައިވަނީ މި އެކްސްޕޯ ގައި ބައިވެރިވުމަކީ ރާއްޖެއަށް އޮތް ތިމާވެށީގެ ނުރައްކާތަކާއި މެދު ކަނބޮޑު ވުން ފާޅުކުރަން ލިބޭ ފުރުސަތެއް ކަމުގައެވެ. ހަމަ އެއާއިއެކު، ކޮޕް26 ގެ އުއްމީދުތަކާއި ރާއްޖެ ފަދަ ގައުމަތަކަށް މޫސުމީ ބަދަލުތަލުގެ ސަބަބުން ދިމާވާ މައްސަލަތަކާއި މެދު އަޑު އުފުލަން ލިބޭ ފުރުސަތެއް ކަމަށްވެސް ޝައުނާ ވިދާޅުވިއެވެ.

މޫސުމީ ބަދަލުތަކުގެ ނުރައްކާ އާ މެދު ވިސްނަން ޖެހޭ ކަމަށް ފާހަގަ ކުރަމުން ޝައުނާ ވިދާޅުވީ ޖައްވަށް ބޭރުވާ ގޭސް މަދުކުރަން ޖެހޭ ކަމަށާއި ތިމާވެށީގެ ނުރައްކާތަކާއި ދިމާވެފައިވާ ގައުމުތަކަށް އެހީތެރިކަން ފޯރު ކޮށްދިނުމަށް ޝައުނާ ވަނީ ގޮވަލާފައެވެ.

Talking about the COP26 expectation for her country, H.E. Aminath Shauna, Minister for Environment, Climate Change and Technology, The Maldives expresses the need to support emerging countries for a healthy life in the upcoming 20 years#Expo2020Dubai #WGES_2021 #EXPO2020 pic.twitter.com/6dUjbFYtHz

— WorldGreenEcoSummit (@WGESummit) October 6, 2021

މީގެ އިތުރުން އުފެއްދުންތެރިގޮތަކަށް މިފަދަ މައްސަލަތަށް ކުރިމަތި ލަމުން ދާ ގައުމުތަކަށް އެހީތެރިކަން ދީ މައްސަލަތައް ހައްލުކުރުމަށް ދޮރުތައް ހުޅުވާލަންޖެހޭ ކަމަށް ވެސް މިނިސްޓަރ ފާހަގަ ކުރެއްވިއެވެ. މިއަދު މިފަދަ މައްސަލަތަކަށް ހައްލު ކުރުމަށް އަމަލު ނުކުރެވިއްޖެނަމަ ގައުމުތަކަށް ނެތިދިއުމުގެ ބިޮރު އޮތްކަމަށް ވެސް ވިދާޅުވިއެެވެ.

މޫސުމަށް އަންނަ ބަދަލުތަކުގެ ސަބަބުން ރާއްޖެ ފަދަ ކުދި ގައުމުތަކަށް ކުރާ ނޭދެވޭ އަސަރުތައް ނައްތާލުމަށް ރާއްޖެއިން އަބަދުވެސް ވަކާލާތު ކުރެ އެވެ. އަދި ޖައްވަ ދޫކުރާ ވިހަ ގޭސްތައް މަދު ކުރުމަށް ބާރު އަޅަންޖެހޭކަން ބައިނަލްއަގުވާމީ އެކި ބައްދަލުވުންތަކުގައި ފާހަގަ ކުރެ އެވެ. އެގޮތުން ދާދިފަހުން ބެއްވި އދ. ގެ އާއްމު މަޖިލީހުގެ ބައްދަލުވުމުގައި ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހު އެންމެ ބޮޑަށް އަލިއަޅުއްވާލެއްވި އެއް ކަމަކީ އެއީ އެވެ.