ޕީޕީއެމްގެ ސިއްރަކީ އެހެން އެއްވެސް ޕާޓީއެއްގައި ނެތްފަދަ، ކުޅަދާނަ ލީޑަރ ކުރީގެ ރައީސް އަބްދުﷲ ޔާމީން ކަމަށް ކުރީގެ ނައިބް ރައީސް ޑރ. މުހައްމަދު ޖަމީލް އަހުމަދު ވިދާޅުވެއްޖެއެވެ.
ޖަމީލް މިހެން ވިދާޅުވީ ޕީޕީއެމްއަށް 10 އަހަރު ފުރުމާ ގުޅިގެން ކުރެއްވި ޓްވީޓެއްގައެވެ.
އެގޮތުން ޖަމީލް ވިދާޅުވީ ރައްޔިތުންގެ ވިންދު ދެނެގަނެ ބްރިޖާއި ބޯހިޔާވަހިކަން ފަދަ އިންޤިލާބީ ތަރައްޤީ ގެނެސްދިނީ ޕީޕީއެމްއިން ކަމަށެވެ.
އަދި ޕާޓީގެ ކާމިޔާބީގެ ސިއްރަކީ އެހެން އެއްވެސް ޕާޓީއެއްގައި ނެތްފަދަ ޢިލްމީ، ކުޅަދާނަ ލީޑަރ ރައީސް ޔާމީން އާއި ހިތްވަރުގަދަ މެމްބަރުން ކަމަށް ޖަމީލް ވިދާޅުވިއެވެ.
2011 ވަނަ އަހަރު އޮކްޓޯބަރު މަހުގެ 27 ވަނަ ދުވަހު އުފެއްދި ޕީޕީއެމްގެ އެންމެ އިސް ލީޑަރަކީ ކުރީގެ ރައީސް އަބްދުﷲ ޔާމީންއެވެ.
advertisment