ގެއްލިގެން ހޯދި ދެ މީހުން ފެނިފައިވާ ކަމަށް ސިފައިން ބުނެފި އެވެ.
ގެއްލިގެން ހޯދަމުންދިޔައީ ގދ.ގައްދޫ، ޗިޗަންޑާގޭ އުމުރުން 70 އަހަރުގެ އަބްދުއް ރަހީމާއި، އެރަށު ޗަނބޭލީގެ އުމުރުން 25 އަހަރުގެ ހަސަން މަޖްދީއެވެ.
އެމްއެންޑީއެފުން ބުނީ އެ ދެ މީހުން ފެނިފައިވަނީ ހުޅުމާވަރުލު ކިޔާ ފަޅު ރަށެއްގައި ތިއްބައި ކަމަށެވެ. އެގޮތުން ދިޔަވަރު ހިކިފައި އޮތުމާއެކު ބޮއްކުރާގައި ނުދެވިގެން ދިޔަވަރު ބޮޑު ވަންދެން އެމީހުން އެ ރަށުގައި މަޑުކޮށްގެން ތިބީ ކަމަށް އެމްއެންޑީއެފުން ބުނެ އެވެ.
އެ ދެ މީހުންގެ ވެސް ހާލު ރަނގަޅު ކަމަށް އެމްއެންޑީއެފުން މައުލޫމާތުދެ އެވެ.