ތާޖުއްދީން ސްކޫލުގެ ސްޓާފް ރޫމް ފަޅާލައި ހަތް ޓެބްލެޓާއި ދަބަހެއް ވަގަަށް ނަގައިފިއެވެ.
ފުލުހުން ބުނީ ތާޖުއްދީން ސްކޫލު ފަޅާލައި ވައްކަން ކުރި ކަމުގެ ރިޕޯޓް ލިބިފައިވަނީ މިއަދު ހެނދުނު 10:48 ހާއިރު ކަމަށެވެ. ހާދިސާގެ މައުލޫމާތު ލިބުމާ އެކު މައްސަލައިގެ ތަހުގީގު ފަށާފައިވާ ކަމަށްވެސް ބުންޏެވެ.
ފުލުހުން ބުނީ ވަގަށް ނަގާފައިވަނީ ހަތް ޓެބްލެޓާއި ހޭންޑް ބޭގެއް ކަމަށެވެ. އަދި ވަގަށް ނެގި ތަކެތި މާލޭގެ ގެއެއްގެ ތެރޭގައި ފޮރުވާފައި ހުއްޓައި ސީސީޓީވީ ކެމެރާގެ އެހީގައި އެތަކެތި ހޯދައިފައިވާ ކަމަށް ފުލުހުން ބުންޏެވެ.
މި މައްސަލައާ ގުޅިގެން މިހާތަނަށް އަދި އެއްވެސް މީހަކު ހައްޔަރުކޮށްފައެއް ނުވެއެވެ.