ޓައިފޫން ރާއީގެ ސަބަބުން ފިލިޕީންސްގެ ވަރަށް ބޮޑަށް މޫސުން ގޯސްވެފައިވީ ނަމަވެސް، ފިލިޕީންސްގަ ތިބި ދިވެހި ދަރިވަރުންގެ ހާލު ރަނގަޅު ކަމަށް ފޮރިން މިނިސްޓްރީއިން ބުނެފިއެވެ.
ޓައިފޫން ރާއީގެ ސަބަބުން ފިލިޕީންސްގެ ވަރަށް ބޮޑަށް މޫސުން ގޯސްވެ، ބައެއް ސަރަހައްދުތަކަށް ބޮޑެތި ގެއްލުންތަކެއް ލިބެމުންދާތީ އެ ގައުމުގައި ތިބި ދިވެހި ދަރިވަރުންގެ ހާލު ފޮރިން މިނިސްޓްރީއިން ދަނީ ވަރަށް ގާތުން ބަލަމުންނެވެ. ފޮރިން މިނިސްޓްރީއިން ބުނެފައި ވަނީ ހުރިހާ ދަރިވަރުންގެވެސް ހާލު ރަނގަޅު ކަމަށެވެ. މި ތޫފާންގެ ސަބަބުން ފިލިޕީންސްގެ ބައެއް ސަރަހައްދުތަކަށް ބޮޑެތި ގެއްލުންތަކެއް ލިބެމުންދެއެވެ.
ފިލިޕީންސްގައި ތިބި ބައެއް ދަރިވަރުންނާއި ނުގުޅޭތީ އާއިލާތަކުން ވަނީ ކަންބޮޑުވުން ފާޅުކޮށްފަ އެވެ. މިވަގުތު ފިލިޕީންސްގައި މަތީ ތައުލީމު ހާސިލު ކުރަމުންދާ ދިވެހިންގެ ތެރޭގައި ޕައިލެޓް ތަމްރީނު ފުރިހަމަ ކުރާ ދަރިވަރުންނާއި، އައިޓީ ދާއިރާގެ ދަރިވަރުން، އަދި މެޑިސިން އާއި އިންޖީނިއަރިން ފުރިހަމަ ކުރާ ދަރިވަރުން ހިމެނެ އެވެ. އާއިލާގެ ކަންބޮޑުވުންތަކަށް ފޮރިން މިނިސްޓްރީން ބުނީ، ދަރިވަރުންގެ ހާލު ގާތުން ބަލަމުން ދާ ކަމަށެވެ. އަދި އެހީތެރިކަން ބޭނުންވާ ކުދިންނަށް އެހީތެރިކަން ފޯރުކޮށްދޭއިރު ބައެއް ދަރިވަރުންނަށް ގުޅޭ ގޮތް ވެފައި ނުވަނީ ނެޓްވޯކުގައި ދިމާވެފައިވާ މައްސަލަތަކެއްގެ ސަބަބުން ކަމަށެވެ.
Super #TyphoonRai has hit Philippines & there are 23 of Maldivian students in a worrisome situation in Philippines at this given moment, Our government is taking necessary measures to ensure the safety of the students, Thank you @MoFAmv for acting swiftly. My thoughts & prayers. pic.twitter.com/qmxVr1e16N
— Haitham Ahmed (@ahmhaitham) December 16, 2021
މިތޫފާނުގެ ސަބަބުން، އެގައުމުގެ އެކި ސަރަހައްދުތަކުން ބިންގަނޑު ކަނޑަައިގެން ގޮސްފައިވާ ކަމަށް ފިލިޕީންސްގެ މޫސުމާއި ބެހޭ ބިއުރޯ، ޕަގާސާއިން ވަނީ ބުނެފައެވެ. ޕަގާސާ އިން ބުނެފައިވަނީ، މި ތޫފާންގެ ސަބަބުން ވައިގެ ބާރުމިން 195 ކިލޯމީޓަރު (ގަޑިއަކު 121 މޭލު) އަށް ބާރުވެފައިވާ ކަމަށެވެ. އަދި ކޮޅިގަނޑުގައި ގަޑިއަކު 240 ކިލޯމީޓަރު/h (149 މޭލު) ބާރުމިނުގައި ވައިޖެހޭނެ ކަމަށް ލަފާ ކޮށްފައި ވެއެވެ.
މީގެއިތުރުން، އެގައުމުގެ އެކި ހިސާބުތަކުގައި ފެންބޮޑުވެ، ކިސަޑު ފޭބުމުގެ ހާދިސާތައް ހިނގާފާނެ ކަމަށް ލަފާކޮށް ގިނަ ސަރަހައްދުތަކަކަށް އެންޑީއާރްއެމްސީން ވަނީ އިންޒާރު ދީފައެވެ. އޭގެތެރޭގައި، މިސާމިސް އޮރިއެންޓަލް، ލާނާއޯ ޑެލް ނޯރޓޭ އަދި ޒަމްބޯންގާ ޑެލް ނޯރޓޭ ޕްރޮވިންސް ހިމެނެއެވެ.
My brother and 20 other Maldivian students undergoing pilot training are currently stranded in Cebu, Phillipines following Super Typhoon making landfall in the central Philippines
The roof of their residence has been damaged, the roads destroyed and pic.twitter.com/aJ9fJTlPeE
— Ali Iyaz Rashid (@IyazRashid) December 17, 2021
އެމެރިކާގެ ކަނޑުގެ އަސްކަރިއްޔާގެ ޖޮއިންޓް ޓައިފޫން ވޯނިން ސެންޓަރު (ޖޭޓީޑަބްލިއުސީ) އިން ވަނީ ތޫފާން ރާއީ އަކީ “ސުޕަ ޓައިފޫން” އެއް ކަމަށް ކަނޑައަޅާފައެވެ. މިއީ މި އަހަރު އެ ގައުމަށް އެރި 15 ވަނަ ތޫފާނެވެ. ރަސްމީ ހިސާބުތައް ދައްކާ ގޮތުން 100،000 އެއްހާ މީހުން މިހާރު ވަނީ ގެދޮރު ދޫކޮށް، ރައްކާތެރި ހިސާބުތަކަށް ބަދަލުވެފައެވެ.
އެހެންކަމުން، ނޭޝަނަލް ޑިޒާސްޓަރ މިޓިގޭޝަން އޭޖެންސީން ބުނީ، ތޫފާނާއި ގުޅިގެން ކުއްލި ހާލަތަށް ތައްޔާރުވުމާއި، އިޖާބަދިނުމުގެ ޕްރޮޓޮކޯލްގައި އެ ގައުމުގެ ސަރަހައްދެއް އެންމެ މަތީ ފަންތީގައި ބަހައްޓާފައިވާ ކަމަށެވެ.