ވަކި ގޮތެއް އަންގަންދެން ހިޔާ ފްލެޓުގެ ކުނި ނެގުމުގެ ޚިދުމަތަށް ބިލު ނުކުރާނެކަމަށް ވޭސްޓް މެނޭޖްމަންޓް ކޯޕަރޭޝަން (ވެމްކޯ)އިން ބުނެފިއެވެ.
ވެމްކޯއިން ބުނީ ހުޅުމާލެ ދެވަނަ ފިޔަވަހީގައި ރައްޔިތުން އާބާދުވަމުންދާ މިންވަރަށް ބަލައި، މިމުއްދަތުގައި އެސަރަހައްދުގައި ދިރިއުޅޭ ރައްޔިތުންނަށް ލުއިފަސޭހަކޮށްދިނުމުގެ ގޮތުން މިވަގުތު ކުންފުނިން ފޯރުކޮށްދޭ ޚިދުމަތްތަކަށް ބިލުނުކުރުމަށް ނިންމާފައިވާ ކަމަށެވެ. ވެމްކޯއިން ބުނީ މިހާތަނަށް ކޮންމެ ދުވަހަކުވެސް އެސަރަހައްދުގައި ބަހައްޓާފައި ހުންނަ 100އެއްހާ ޑަސްބިނުން ކުނި އުކަމުން އަންނަކަމަށެވެ.
ވެމްކޯގެ ކުރިން ހިޔާ ފްލެޓްތަކުގެ ސަރަހައްދުން ކުނި އުކަމުންދިޔައީ އެޗްޑީސީ މެދުވެރިކޮށެވެ. އެއަށްފަހު ވެމްކޯއިން އެމަސައްކަތާއި ހަވާލުވެ، މިހާތަނާއި ޖެހެންދެންވެސް ވެމްކޯއިން އެހިދުމަތް ފޯރުކޮށްދެމުން ދިޔައީ އަގެއް ނެގުމަކާއި ނުލައެވެ.
As part of our responsibility to the community living at Hulhumalé Phase 2 Hiyaa flats, we are extending the free waste collection services to the area until further notice.
Our teams have been clearing 100 dustbins of household waste from the area daily. pic.twitter.com/Yo2bTjsSQy
— Waste Management Corporation Limited (WAMCO) (@WAMCOmv) January 27, 2022
ކުނި ގިނަވުމަކީ ހިޔާ ފްލެތް ސަރަހައްދުގައި ދިމާވެފައިވާ ބޮޑެތި މައްސަލަތަކުގެ ތެރެއިން އެއް މައްސަލައެވެ. ކުނި އުކާލެވޭނެ ގޮތެއް ނެތި އެތައް ދުވަސްތަކެއް ވަންދެންވެސް ތިބިއިރު އެސަރަހައްދުގައި އަދިވެސް ކުނިފުނި އުފެދޭ ހާލަތަށް ކަންތައް ދެއެވެ. އަދި ކުނިތަކުގައި ރޯވުންފަދަ ހާދިސާތައްވެސް އަންނަނީ ހިނގަމުންނެވެ.
ދާދިފަހުންވެސް ހިޔާ ފްލެޓް ސަރަހައްދުތައް ސާފުކުރުމަށް ކުރި މަސައްކަތުގެ ތެރެއިން 24 ޓަނުގެ ކުނިވަނީ އެސަރަހައްދުން ނަގާފައެވެ.
advertisment