ރައްޔިތުންގެ މަޖިލިހުގެ ކޮމަންޑޫ ދާއިރާގައި އިންތިހާބުގައި ށ. މަރޮށިން އެމްޑީޕީން ކުރި ހޯދާފައިވާކަމަށް ވަގުތީ ނަތީޖާއިން ދައްކައިފި އެވެ.
މިއަދު ކުރިޔަށް ގެންދިޔަ ކޮމަންޑޫ ދާއިރާގެ ބައި އިލެކްޝަނުގެ ބައެއް ވޯޓު ފޮށިތައް ބަންދުކޮށް ވޯޓު ފޮށިތައް ގުނަން ފަށާފައިވާއިރު މިވަގުތާއި ހަމައަށް ދެ ފޮއްޓެއްގެ ނަތީޖާ ވަނީ ލިބިފަ އެވެ. އޭގެއިން އެއް ފޮށިން އެމްޑީޕީ ކުރި ހޯދިއިރު، ދެވަނަ ފޮށިން ކުރި ހޯދާފައިވަނީ ޕީޕީއެމްއެވެ.
އެގޮތުން މަރޮށީގައި ބެހެއްޓި ވޯޓު ފޮށީގެ ވަގުތީ ނަތީޖާ ދައްކާ ގޮތުގައި އެމްޑީޕީގެ ކެންޑިޑޭޓު މުހައްމަދު ރާޝިދަށް ލިބިވަޑައިގަތީ 161 ވޯޓެވެ. އަދި ޕީޕީއެމްގެ ކެންޑިޑޭޓު މޫސާ ފަތުހީއަށް 95 ވޯޓެވެ. އެމްއެންޕީގެ ކެންޑިޑޭޓު އަބްދުލް ހަންނާން އިދުރީސަށް ލިބިވަޑައިގަތީ 37 ވޯޓެވެ. މިއީ އެ ރަށުގައި ބެހެއްޓި ހަމައެކަނި ވޯޓު ފޮށީގެ ނަތީޖާ އެވެ.