ކޮމަންޑޫ ދާއިރާގެ ބައި އިލެކްޝަނަށް، ކޮމަންޑޫގައި ބެހެއްޓި ވޯޓު ފޮށިން އެމްޑީޕީން ކުރި ހޯދައިފި އެވެ.
ބައެއް ވޯޓު ފޮށިތައް ބަންދުކޮށް، ވޯޓު ގުނުމުގެ މަސައްކަތްތައް ފަށާފައިވާއިރު މިވަގުތުގެ ނަތީޖާއިން ކުރީގައި އުޅުއްވަނީ އެމްޑީޕީގެ ކެނޑިޑޭޓު މުހައްމަދު ރާޝިދެވެ. ވަގުތީ ނަތީޖާތައް ދައްކާ ގޮތުގައި، ކޮމަންޑޫގައި ބެހެއްޓި ދެ ވޯޓު ފޮށިން ރާޝިދަށް 303 ވޯޓު ލިބުނެވެ. އެއީ ވޯޓު ފޮށި 01 އިން، 159 ވޯޓާއި ވޯޓު ފޮށި 02 އިން، 144 ވޯޓެވެ.
ޕީޕީއެމްގެ ކެނޑިޑޭޓޫ މުސާ ފަތުހީއަށް 244 ވޯޓު ކޮމަންޑޫ ފޮށިން ލިބުނެވެ. އެއީ ވޯޓު ފެށި 01 އިން، 92 ވޯޓު އަދި ވޯޓު ފޮށި 02 އިން 152 ވޯޓެވެ.
އެމްއެންޕީގެ ކެނޑިޑޭޓޫ އަބްދުލްހަންނާން އިދްރީސަށް ލިބުނީ ޖުމްލަ 131 ވޯޓެވެ.