މާލޭގައި މިއަދު މާރާމާރީތަކެއް ހިންގައި ބަޔަކު ޒަހަމްކޮށްލައިފިއެވެ.
ފުލުހުން ބުނީ ޖަނަވަރީ މަގާއި މަޖީދީ މަގު ގުޅޭ ހިސާބުން މާރާމާރީއެއް ހިނގައިގެން ދިވެހި ދެ ފިރިހެނަކަށް ވަނީ އަނިޔާވެފައިވާ ކަމަށެވެ. އެ މީހުންނަށް އޭޑީކޭގައި ދަނީ ފަރުވާ ދެމުންނެވެ.
މިއަދު ހެނދުނު ހިންގި މާރާމާރީގައި ޒަހަމްވި ދެ މީހުންގެ ތެރެއިން އެކަކަށް ބޮޑެތި ޒަހަމްތަކެއް ލިބިފައިވެ އެވެ. ނަމަވެސް އަނިޔާވި މީހުންނަށް ލިބުނު ގެއްލުންތަކާ ބެހޭ ތަފުސީލެއް ނުލިބެ އެވެ.
ފުލުހުން ބުނީ ފަތިހު މާރާމާރީ ހިންގީ 6:00 ޖަހަން އުޅެނިކޮށް ކަމަށާއި ދެވަނަ މާރާމާރީ ހިންގީ ހެނދުނު 9:30 އެހާކަށްހާ އިރު ކަމަށެވެ.