ކ. އަތޮޅުގެ ރަށެއްގައި ދަރިވަރަކު ސްކޫލަށް މަސްތުވާތަކެތި ގެންދިޔަ މައްސަލައެއް ފެންމަތިވެއްޖެ އެވެ.
ސްކޫލު ދަރިވަރުންތަކެއް މަސްތުވާތަކެތި ގެންގުޅުނުކަމުގެ ރިޕޯޓު ލިބިފައިވޭތޯ ސުވާލު ކުރުމުން ފުލުހުންގެ މީޑިއާ އޮފިޝަލް ވިދާޅުވީ މާލެ އަތޮޅުގައި ސްކޫލަށް ކުއްޖަކު މަސްތުވާތަކެތި ގެންދިޔަކަމުގެ ރިޕޯޓު މިއަދު 11:30 ހާއިރު ލިބިފައިވާ ކަމަށެވެ.
ފުލުހުން ބުނީ މި މައްސަލައިގައި ފުރިހަމަ ކުރަން ޖެހޭ އިޖުރާއަތްތައް ފުރިހަމަކޮށް، ތަހުގީގު ކުރަމުންދާ ކަމަށެވެ.
މަސްތުވާތަކެތީގެ މައްސަލައިގައި ހިމެނެނީ 18 އަހަރުން ދަށުގެ ކުއްޖެއްކަމުން، މިއީ ކޮން ސްކޫލެއްގައި ދިމާވިކަމެއްކަން ފުލުހުން ހާމައެއް ނުކުރެ އެވެ.
މި މައްސަލައިގައި އެޑިއުކޭޝަން މިނިސްޓަރީގެ ބަހެއް އަދި ނުލިބެ އެވެ.