ކުރީގެ ރައީސް އަބްދުﷲ ޔާމީންގެ މައްޗަށް އުފުލާފައިވާ ދައުވާތަކުގެ ޝަރީއަތާ ހަވާލުވެ ހުންނެވި ކްރިމިނަލް ކޯޓުގެ އިސް ގާޒީ އަހްމަދު ޝަކީލްއާއި ޖުޑިޝަލް ސާވިސް ކޮމިޝަން (ޖޭއެސްސީ) ގެ ރައީސް ހިސާން ހުސައިން ބައްދަލުކުރެއްވި ކަމަށް ބުނާ ވާހަކަތައް ޖޭއެސްސީން ދޮގުކޮށްފިއެވެ.
ދަންވަރު ވަގުތެއްގައި ގާޒީ ޝަކީލް ޖޭއެސްސީއަށް ގެންދަވާ، ޖޭއެސްސީގެ ރައީސް ކަމުގައި ހުންނެވި މަޖިލީހުގެ ތުޅާދޫ ދާއިރާގެ މެންބަރު ހިސާންގެ އިތުރުން ބަންޑާރަ ނައިބު އިބްރާހީމް ރިފްއަތާއި ވެސް ބައްދަލުކުރައްވާފައިވާ ކަމަށް ބައެއް މީޑިއާތަކުން ރިޕޯޓްކޮށްފައިވެއެވެ.
ޖޭއެސްސީން ކުރި ޓްވީޓެއްގައި ބުނެފައިވަނީ ކްރިމިނަލް ކޯޓުގައި މިހާރު ކުރިއަށްދާ ކުރީގެ ރައީސް ޔާމީންގެ މައްސަލަ ބައްލަވާ ގާޒީ އާއި ހިސާން އާއި ރިފްއަތު ބައްދަލުކުރެއްވި ކަމަށް ބުނެ ޓްވީޓް ކުރި މީޑިއާގެ މައްސަލަ ކަމާބެހޭ ފަރާތްތަކަށް ހުށަހަޅާނެ ކަމަށެވެ.
Adhi mi commission ge agu vattaalumah ithubaaru nuhifey dhogu habaru fathuraathee mikan kuvverikoh, mikan kamaa behey idhaaraa thakah hushahalhaane kamugai ves dhannavan. @mmc_mv @broadcomMV (2/2) https://t.co/rVAsKJsFJQ
— Judicial Service Commission (@MaldivesJSC) June 11, 2022
ޖޭއެސްސީން ކޮށްފައިވާ ޓްވީޓުގައި އިތުރަށް ވަނީ އެ ކޮމިޝަނުގެ އަގު ވައްޓާލުމަށް އިތުބާރު ނުހިފޭ ދޮގު ފަތުރާކަމަށާއި އެކަން ކުށްވެރިކުރާ ކަމަށެވެ.