ކްލެމެންސީ ބޯޑަށް ޖުމްލަ 257 މައްސަލައެއް ހުށައެޅިފައިވާއިރު، އޭގެ ތެރެއިން ނުނިމި އޮތީ 73 މައްސަލަކަމަށް އެޓަރނީ ޖެނެރަލްގެ އޮފީހުން ނެރުނު ތަފާސް ހިސާބަކުން ދައްކައިފިއެވެ.
ޓްވީޓެއް ކުރައްވާ އެޓާނީ ޖެނެރަލްގެ އޮފީޙުން ވަނީ މިއަހަރުގެ ޖަނަވަރީ މަހުން ފެށިގެން ޖޫން މަހުގެ ނިޔަލަށް ހުށައެޅިފައިވާ މައްސަލަތަކާއި، އެ މައްސަލަތަކާއި ބެހޭ ތަފްސީލުތައް އާންމުކޮށްފައެވެ.
އެގޮތުން 257 މައްސަލައެއް އެ ބޯޑަށް ލިބިފައިވާއިރު، މިއަހަރުގެ ފުރަތަމަ ހަ މަސް ދުވަހު ނިމިފައިވަނީ 161 މައްސަލައެވެ. 257 މައްސަލައިގެ ތެރެއިން އެކި ސަބަބުތަކާއި ހުރި 23 މައްސަލައެއް ވަނީ ކެންސަލްވެފައެވެ.
މިއަހަރުގެ ޖަނަވަރީ މަހުން ފެށިގެން ޖޫން މަހުގެ ނިޔަލަށް ކްލެމެންސީ ބޯޑުން 161 މައްސަލަ ނިންމާފައިވޭ. pic.twitter.com/7BJMkSd6g2
— AG Office Maldives (@AGOmv) July 19, 2022
ނުނިމި ހުރި މައްސަލަތަކުގެ ތެރޭގައި ވަނީ 73 މައްސަލައެކެވެ.