އޮކްޓޯބަރު މަހުގެ 5 ވަނަ ދުވަހުގެ ނިޔަލަށް 1،214،544 ފަތުރުވެރިން ދިވެހިރާއްޖެއަށް އައިސްފައިވާކަމަށް ޓޫރިޒަމް މިނިސްޓްރީއިން ބުނެފިއެވެ.
ޓޫރިޒަމް މިނިސްޓްރީއިން އާންމުކޮށްފައިވާ ތަފާސް ހިސާބުތަކުން ދައްކާގޮތުން، މި އަދަދަކީ 2021 ވަނަ އަހަރުގެ އޮކްޓޯބަރު މަހުގެ 5 ވަނަ ދުވަހުގެ ނިޔަލަށް އައިސްފައިވާ ފަތުރުވެރިންނާއި ބަލައި ގިނަ އަދަދެކެވެ.
2021 ވަނަ އަހަރުގެ އޮކްޓޯބަރު މަހުގެ 5 ވަނަ ދުވަހުގެ ނިޔަލަށް ދިވެހިރާއްޖެއަށް ޒިޔާރަތްކޮށްފައިވަނީ 878،317 ފަތުރުވެރިންނެވެ.
2022 ވަނަ އަހަރުގެ މިހާ ހިސާބަށް އެންމެ ގިނަ އަދަދެއްގެ ފަތުރުވެރިން އައިސްފައިވަނީ މާޗް މަހުގެ ތެރޭގައެވެ. އެގޮތުން މާޗް މަހުގެ ތެރޭގައި 150،748 ފަތުރުވެރިން އައިސްފައިވާއިރު، 2021 ވަނަ އަހަރުގެ މާޗް މަހުގެ ތެރޭގައި އައިސްފައިވަނީ 109،585 މީހުންނެވެ.