“ހިކިފަސް ޕްރޯ” ގެ ނަމުގައި ހދ މަކުނުދޫގެ ވަލު ތެރޭގައި ސައިކަލު ރޭހެއް ބާއްވައިފިއެވެ.
ރޭސިންގް އެސޯސިއޭޝަން އޮފް މޯލްޑިވްސް އިން އިންތިޒާމުކޮށްގެން ދިވެހިރާއްޖޭގައި ފުރަތަމަ ފަހަރަށް ބާއްވާ މި މުބާރާތުގެ މަގުސަދުތަކުގެ ތެރޭގައި ދިވެހިންގެ ތެރޭގައި މި ކުޅިވަރަށް ޝައުގުވެރިކަން އުފެއްދުންހިމެނެއެވެ. މުބާރާތުގައި ޖުމުލަކޮށް ފަސް ޓީމެއް ބައިވެރިވާއިރު، 17 ދުއްވުންތެރިއެެއް ބައިވެރިވެއެވެ، މުބާރާތުގައި ބައިވެރިވެފައިވަނީ ރާއްޖޭގެ އެކި ސަރަހައްދުތަކުގެ ޒުވާނުންނެވެ.
މި މުބާރަތް ކުރިއަށް ގެންދަނީ ރައްކައުތެރިކަމުގެ ފިޔަވަޅުތަކަކާއި އެކުއެވެ. އެގޮތުން، ދުއްވުންތެރިންނަށް ހާއްސަ ކިޓުތަކެއް ލާއިރު، ކަމެއް ދިމާވެއްޖެ ހާލަތެއްގައި ސީ އެމްބިއުލާންސްއެއްވެސް ތައްޔާރަށް އޮންނާނެއެވެ. މި ފަހަރު ކުރިއަށް ގެންދިޔަ “ހިކިފަސް ޕްރޯ” މުބާރާތަކީ އެއް ދުވަހުގެ މުބާރާތެކެވެ.