އިންޓަޕޯލްގައި މަަސައްކަތްކުރާ ފުރަތަމަ ދިވެހި ފުލުހަކަށް، ޗީފް އިންސްޕެކްޓަރ އޮފް ޕޮލިސް ރިލްވާން ޝަރީފު ހަމަޖެހިއްޖެއެވެ.
ކޮމިޝަނަރ އޮފް ޕޮލިސް މުހައްމަދު ހަމީދު ކުރެއްވި ޓްވީޓުގައި ވިދާޅުވީ، ފްރާންސްގެ ލިޔޯންގައި ހުންނަ އިންޓަޕޮލްގެ ފައިނޭންޝަލް ކްރައިމް އެންޑް އެންޓި ކޮރަޕްޝަން ސެންޓަރުގައި ތިން އަހަރު ދުވަހަށް ރިލްވާން މަސައްކަތް ކުރުމަށް ލިޔުން ހަވާލުކޮށްފައިވާ ކަމަށެވެ.
With great satisfaction I handed over the Letter of Approval of Secondment to Chief Inspector Rilwan Shareef today, for his secondment at @INTERPOL_HQ. He will work at INTERPOL Financial Crime and Anti-Corruption Centre in Lyon, France for 3 years starting from 1st December 2022. pic.twitter.com/URvacyXCs7
— Mohamed Hameed (@M_Hameedh) November 24, 2022
ރިލްވާންގެ އިންޓަރޕޯލްގެ ދައުރު ފެށުމަށް ހަމަޖެހިފައިވަނީ އަންނަ މަހުގެ ފުރަތަމަ ދުވަހުއެވެ.
އިންޓަނޭޝަނަލް ޕޮލިސް ނުވަތަ އިންޓަރޕޯލް އަކީ މީގެ 99 އަހަރު ކުރިން އުފެދުނު ޖަމާއަތެކެވެ. އިންޓަޕޮލްގައި 195 ގައުމަކުން ބައިވެރިވެފައިވެއެވެ.
ސީޕީ ހަމީދު ވިދާޅުވި ގޮތުގައި ދިވެހި ފުލުހުންނަށް އިންޓަރޕޯލްގައި މަސައްކަތް ކުރުމުގެ ފުރުސަތު ލިބުމުން އެކަމުގެ ސަބަބުން ބައިނަލްއަގްވާމީ މައިދާނުގައި ދިވެހި ފުލުހުންގެ ދިދަ އުފުލުމާއި ފުލުހުންގެ ގާބިލުކަން އިތުރަށް ކުރިއެރުވުމަށް މަގުފަހިވެގެންދާނެ ކަމަށެވެ.
advertisment