ދިވެހިރާއްޖޭގެ މަސްވެރިކަމަށް އެއްވެސް ކުރިއެރުމެއް ނުލިބެނީ، ބާނާ މަސް ވިއްކޭނެ މަގެއް ދެއްކިފައި ނުވާތީކަމަށް ކުޅުދުއްފުށި އުތުރު ދާއިރާގެ މެމްބަރު ޔާސިރު އަބްދުއްލަތީފް ވިދާޅުވެއްޖެ އެވެ.
މަސްވެރިންނަށް ދިމާވާ މައްސަލަތައް ހައްލުކޮށް، ހަމަ އަގު ހޯދައިދިނުން އެއީ މި ސަރުކާރުގެ ރިޔާސީ ވައުދެކެވެ. ހާއްސަކޮށް މިދިޔަ ސަރުކާރުގެ ބެޔަސް ނުބެޔަސް ދިހަހާސް ރުފިޔާގެ ވައުދަށް ބޮޑެތި ފާޑުކިއުންތައް އަމާޒުކޮށްފައި ވެއެވެ.
މިއަދު ފާހަގަކުރަމުން ދާ މަސްވެރިންގެ ދުވަހާއި ގުޅުވައި ޔާސިރު ވިދާޅުވީ މާޒީގައި ވެރިން ކަންތައްކޮށްފައި ވަނީ އުތުރުގެ ރައްޔިތުންނަށް ހުރި ހުރިހާ އިގްތިސާދީ ދޮރުތަކުގައި ޗޭނު ޖަހައިގެން ތިބެ ކަމަށެވެ.
މަސްވެރިންގެ ދުވަހުގެ ތަހުނިޔާ އެންމެހާ މަސްވެރި އާއިލާތަކަށް އަރިސްކުރަން. އުތުރުގެ މަސްވެރިކަން ކުރިނާރާ މިވަނީ ބާނާ މަސްކޮޅު ވިއްކޭނެ މަގެއް ނުދެއްކުމުން.
މާޒީގައި ވެރިން ކަންތައް ކޮށްފައިވަނީ އުތުރުގެ ރައްޔިތުންނަށް ހުރި ހުރިހާ އިޤްތިޞޯދީ ދޮރުތަކުގައި ޗޭނު ޖަހައިގެން ތިބެ. pic.twitter.com/D74kWklzEJ— Yasir Abdul Latheef (@YasirLathyf) December 10, 2022
މަސްވެރިންގެ ކަންބޮޑުވުންތައް ޕެޓިޝަންތަކުގެ ސިފައިގައި ރައީސް އޮފީހަށް ހުށަހަޅާފައި ވެއެވެ. ސަރުކާރުން ބުނެފައި ވަނީ އެންމެ ބޮޑު އެއް ސަމާލުކަމެއް ދޭ ދާއިރާތަކުގެ ތެރޭގައި މަސްވެރިކަން ހިމެނޭކަމަށާއި އެކަމަށް ހައްލު ހޯދައިދޭނެ ކަމަށެވެ.
ސަރުކާރުން ކޮންމެ އަހަރެއްގެ ޑިސެމްބަރު މަހުގެ 10 ވަނަ ދުވަސް ފާހަގަކުރަނީ މަސްވެރިންގެ ދުވަހުގެ ގޮތުގައެވެ.