މި ސަރުކާރުން ދުވާލު ރޭގަނޑަށް، އަންހެނުން ފިރިހެނުންނަށް ހަދައިފި: ޖަމީލް

މި ސަރުކާރުން ދުވާލު ރޭގަނޑަށް އަދި އަންހެނުން ފިރިހެނުންނަށް ހަދައިފިކަމަށް ކުރީގެ ނައިބު ރައީސް ޑރ މުހައްމަދު ޖަމީލް އަހުމަދު ވިދާޅުވެއްޖެއެވެ.

ރޭ އައްޑޫގައި ރައީސް ސާލިހުގެ ކެމްޕެއިން ޓީމުގެ ފަރާތުން ބޭއްވި “އިބޫ 2023” ގެ ފަހު ޖަލްސާގައި ވާހަކަދައްކަވަމުން ރައީސުލްޖުމްހުރިއްޔާ އިބްރާހީމް މުހައްމަދު ސާލިހު ވަނީ މި ސަރުކާރުން ރާއްޖޭގެ 357 ރަށެއްގައި ފްލެޓް އަޅައިފިކަމަށް ވިދާޅުވެފައެވެ. މިކަމާއި ގުޅިގެން ޖަމީލް ވަނީ ރައީސް ސާލިހަށް ބޮޑެތި ފާޑުކިޔުންތަކެއް އަމާޒިކުރައްވާފައެވެ. އެގޮތުން އެމަނިކުފާނަކީ ނުކިޔާ ހުންނެވި ބޭފުޅެއްކަމުގައި ލަވައަކުން ސިފަކޮށްފައިވާއިރު، ކުރިއަށްދަނީ ދޮގު ހެދުމައިގެންކަމަށްވެސް ވަނީ ވިދާޅުވެފައެވެ.

ސުނާމީ އެރީ 18 އަހަރުކުރިން 2014 ގައިތޯވެސް ޖަމީލް ވަނީ ސުވާލުއުފައްދަވާފައެވެ.

'ނުކިޔަވާ، ނުކިޔަވާ، ދޮގުހެދުމާއިގެން ކުރިޔަށްދާން' ލަވައެއް

ސުނާމީ އެރީ 18 އަހަރު ކުރިން 2014 ގައިކަމަށް ވަނީ؟

މީހުން ދިރިއުޅޭ 357 ރަށެއް؟

ދުވާލު ރޭގަނޑަށް، އަންހެނުން ފިރިހެނުންނަށް ހަދައިފި؟
ގައިން ވަރު ދޫވެ މުޅި ގައުމު ނަފްސާނީ ވެދާނެ! ފައިބާ pls pic.twitter.com/IbzGNlu48l

— Mohamed Jameel Ahmed (@MJameelAhmed) January 27, 2023

ޖަމީލްގެ ޓުވީޓުގައި އިތުރަށް ވިދާޅުވެފައިވަނީ ދުވާލު ރޭގަނޑަށް ހަދައިކަމަށާއި، އަންހެނުން ފިރިހެނުންނަށްވެސް ހަދައިފިކަމަށެވެ. އަދި ގައިން ވަރުދޫވެ މުޅި ގައުމު ނަފްސާނީވެދާނެކަމަށް ފާހަގަކުރައްވާ ޖަމީލް ވަނީ ރައީސް ސާލިހު ވެރިކަމުން ފޭބުމަށް ގޮވާލާފައެވެ.

އަބަދުވެސް ސަރުކާރަށް ބޮޑެތި ފާޑުކިޔުންތަކެއް އަމާޒުކުރައްވަމުން ގެންދަވާ ޖަމީލް ވަނީ މީގެ ކުރީގައިވެސް ރައީސް ސާލިހުގެ އިސްތިއުފާއަށް ގޮވާލާފައެވެ. އަދި މި ވެރިކަމުގައި ކަން ހިގަމުންދާ ގޮތާއިމެދުވެސް އޭނާ ގެންދަވަނީ ނުރުހުންވުން ފާޅުކުރަމުންނެވެ.