2023 ގެ ރިޔާސީ އިންތިހާބު އެންމެ އިންސާފުވެރިކޮށް ކެންޑިޑޭޓުންނަށް ހަމަހަމަ ފުރުސަތު ދީ ކަވަރޭޖު ޖެނެސްދިން ހަމައެކަނި މީޑިއާއަކީ “ސަންގު ޓީވީ” ކަމަށް ޔޫރަޕިއަން ޔޫނިއަންގެ އިންތިހާބު ރިޕޯޓުގައި ބުނެފި އެވެ.
ރާއްޖޭގެ ސިޔާސީ މަސްރަހުގައި ހިނގާ ހުރިހާކަމެއް އެންމެ ހަމަހަމަކަމާއި އެކު ގެނެސްދޭ ސަންގު ޓީވީން، ރިޔާސީ އިންތިހާބުގައި ވާދަކުރި ކެންޑިޑޭޓުންނަށް ވަނީ ހަމަހަމަ ފުރުސަތު ދީފަ އެވެ. އޭގެ ތެރޭގައި ޖަލްސާތައް ގެނައުމާއި، ކަވަރު ކުރުމުގެ އިތުރުން ޕްރޮގްރާމުތަކުގައި ޕާޓީތަކަށް ވަނީ ހުރިހާ ވަގުތަކު ވެސް ފުރުސަތު ދީފަ އެވެ.
ރިޔާސީ އިންތިހާބުގެ ކަންކަން ކުރިޔަށް ދިޔަ ގޮތުގެ އީޔޫގެ ރިޕޯޓުގައި ވަނީ ކެންޑިޑޭޓުންނާއި ގުޅުން ހުރި މުހިންމު މައުލޫމާތުތައް ގެނައުމަށް ސަންގުޓީވީން މަސައްކަތް ކުރިއިރު އެހެން މީޑިއާތަކުން ފެނުނީ އެ މަންޒަރެއް ނޫން ކަމަށެވެ. ސަންގު ޓީވީންން އާސްކް މުއިއްޒުގެ ނަމުގައި ގެނައި ކަވަރޭޖެއްގެ ދަށުން އިދިކޮޅު ކެންޑިޑޭޓު އަދި މިހާރުގެ އިންތިހާބީ ރައީސް ޑރ. މުހައްމަދު މުއިއްޒާއި ސުވާލު ކުރުމަށް ރައްޔިތުންނަށް ފުރުސަތު ދިންކަމަށް ރިޕޯޓުގައި ވެއެވެ.
މި ރިޕޯޓުގައި ބުނެފައި ވަނީ ރިޔާސީ އިންތިހާބުގެ ދެވަނަ ބުރުގައި ކެންޑިޑޭޓުންގެ ހުރިހާ ހަބަރެއް ފުރިހަމަކޮށް ގެނެސްދީ، އެޑިޓޯރިއަލްގެ ދަށުން ހަމަހަމަ ފުރުސަތު ދިން ހަމައެކަނި މީޑިއާއަކީ ސަންގު ކަމަށެވެ.
The EU delegation of election observers concluded that SanguTV was the only channel that fairly reported on the election, giving the public balanced coverage of both candidates in the news and editorial departments. Our channel has been successful & at the top for this reason. pic.twitter.com/9zOudo15Ev
— Sangu TV (@Sangu_TV) October 2, 2023
ސަންގު ޓީވީ ރައްޔިތުންނާއި، ސިޔާސީ ޕާޓީތަކުގެ މެދުގައި ވެސް ފާހަގަކުރެވިފައި ވަނީ ހުރިހާ ކޮންޓެންޓެއް ގެނެސްދޭ ޗެނަލެއްގެ ގޮތުގަ އެވެ. އަދި އެއްވަގުތެއްގައި ޖަލްސާތައް އައުމުން، އެ މަންޒަރުތައް ވެސް ބެލުންތެރިންނަށް ސަންގު ޓީވީން ރިޔާސީ އިންތިހާބުގެ ދުވަސްވަރު ވަގުތުން ގެނެސްދީފައި ވާނެ އެވެ.
One Response
ސަންގުޓީވީއަށް މަރުހަބާ ތިހާފުރިހަމަކަމާ އިންސާފުވެރިކަމާއެކު ތިޔާސީ އިންތިހާބުގެ ކަވަރޭގުތައް ގެނަސްދިނީތީވެ އދިވެސް އެއްފަހަތު މަރުހަބާ