ޓޫރިޒަމް މިނިސްޓަރު ޑރ. އަބްދުﷲ މައުސޫމަށް އަނެއްކާވެސް ރުހުންދޭން މަޖިލީހުގެ ސަރުކާރު މަސްއޫލިއްޔަތު އަދާކުރާ މިންވަރު ބަލާ ކޮމިޓީން އިއްޔެ ފާސްކޮށްފިއެވެ.
މައުސޫމަށް ރުހުން ދޭން ކޮމިޓީން ފާސްކުރުމަށްފަހު މިދިޔަ ހަފްތާގައި އެ މައްސަލަ މަޖިލީހުގެ ތަޅުމަށް ވެސް ފޮނުވި ނަމަވެސް މަޖިލީހުގެ ތަޅުމުން އެ މައްސަލަ އަނބުރާ ކޮމިޓީއަށް ފޮނުވާލަން ނިންމީ ވަޒީރުކަމުގެ ހުވާ ކުރެއްވިއިރު އަމިއްލަ ކުންފުންޏެއް ހިންގުމުގައި އޭނާ ހުންނެވުމާ ގުޅިގެންނެވެ. މައުސޫމް އެ ކުންފުނިން އިސްތިއުފާ ދެއްވީ މަގާމުގެ ހުވާ ކުރެއްވުމަށްފަހުއެވެ.
އެގޮތުން މަޖިލީހުގެ މެމްބަރުން ވަނީ ވަޒީރުކަމުގެ މަގާމާއި ހަވާލުވުމުގެ ކުރިން އެފަދަ މަގާމުތަކުން އިސްތިއުފާ ދެއްވަންޖެހޭނެ ކަމަށާއި މަގާމާއި ހަވާލުވުމަށްފަހު ދެން އިސްތިއުފާ ދެއްވުމުން މައުސޫމްގެ ހުވަޔާ މެދު ސުވާލު އުފެދޭ ކަމަށް ވިދާޅުވެފައެވެ.