ރާއްޖޭގެ މިނިވަންކަމާއި ތަނަވަސްކަން ގުޅިފައިވަނީ އިންޑިއާއާ: ރައީސް ނަޝީދު

ރާއްޖޭގެ މިނިވަންކަމާއި ތަނަވަސްކަން ގުޅިފައިވަނީ އަވައްޓެރި އިންޑިއާއާއި ކަމަށް ދޭހަވާފަދަ އިބާރާތަކުން ރައްޔިތުންގެ މަޖިލީހުގެ ރައީސް އަދި ކުރީގެ ރައީސް މުހަންމަދު ނަޝީދު ޓުވީޓެއް ކުރައްވައިފިއެވެ.

ނަޝީދު ކުރެއްވި ޓުވީޓުގައި ވިދާޅުވީ، ދިވެހި ރާއްޖެއާއި އިންޑިއާގެ ގުޅުމަކީ ޒަމަންވީ ގުޅުމެއްކަމަށާއި ރާޢްޖޭގެ މިނިވަންކަން ދެމެހެއްޓިފައި މިވަނީ އަދި ދިވެހިންގެ ތަނަވަސްކަން ހޯދޭނީވެސް އެގުޅުން ވިސްނުންތެރިކަމާޢެކު ގެންގުޅެގެންކަމަށެވެ.

އިތުރަށް ނަޝީދު ވިދާޅުވީ ރައީސް އިބްރާހީމް މުހަންމަދު ސޯލިހްް އާއި އެމްޑީޕީގެ ވަޒީރުން އެކަން ކުރައްވާނެކަމީ އެމަނިކުފާނުގެ ހިތުގައި ސައްކެއްވެސް އޮތް ކަމެއް ނޫން ކަމަށެވެ.

Dhivehi-India gulhumakee zamaanvee gulhumeh. Raajjeyge minivankan dhemehettifai mivanee adhi Dhivehinge thanavaskan hoadheyneeves e gulhun visnuntheri kamaieku gengulhegen. Raees @ibusolih aai MDP vazeerun ekan kuravvanekamee alhugandu hithugai shakku hinga kamehnoon ???????? ????????

— Mohamed Nasheed (@MohamedNasheed) September 2, 2020

ރައީސް ނަޝީދު މިފަދައިން ޓުވީޓުކުރައްވާފައިވާ އިރު ގައުމު އިންޑީއާއަށް ވިއްކާލާ ކަމުގައި ތުހުމަތުކޮށް ގިނަ ބަޔަކުދަނީ ” އިންޑިއާ އައުޓް” ގެ ނަމުގައި ސޯސަލް މީޑިއާގައި އަޑުއުފުލަމުންނެވެ.

ރައީސް ނަޝީދާއި އިންޑިއާއާއި އޮންނަ ގުޅުމުގެ ސަބަބުން އެހެން ގައުމުތަކާއި ދިވެހި ރާއްޖެއާއި ދެމެދުގައި އޮންނަ ގުޅުން ވަރަށް ބޮޑަށް ހީނަރުވާކަމަށް ގިނަ ބަޔަކު ފާހަގަކުރެއެވެ. ހާއްސަ ގޮތެއްގައި ޗައިނާއާއި ރާއްޖެއާއި ދެމެދުގައި އޮތް ޒަމާންވީ ގުޅުން ހީނަރުވާކަމަށް ގިނަ ބަޔަކު ތުހުމަތު ކުރެއެވެ.