ލިލީން ސުކޫލްތަކަށް 100،000 މާސްކު ހަދިޔާކޮށްފި

ލިލީ އެންޓަރޕްރައިސަސް އަދި ލިލީ ޝިޕިންގ އެންޑް ޓްރޭޑިންގގެ ފަރާތުން ސްކޫލްތަކަށް 100،000 މާސްކު ހަދިޔާ ކޮށްފިއެވެ.

އެޑިއުކޭޝަން މިނިސްޓްރީއިން މިއަދު ކުރި ޓުވީޓެއްގައި ބުނެފައި ވަނީ ސްކޫލްތަކުގެ ދަރިވަރުންގެ ރައްކާތެރިކަން ކަށަވަރުކުރުމަށްޓަކައި ލިލީން ދެއްވާ އެއްބާރުލުމަށް ޝުކުރު އަދާކުރައްވާ ކަމަށެވެ.

https://mobile.twitter.com/MoEdumv/status/1305412954255323136

މާސްކްތައް ބަހާނެގޮތުގެ ތަފްސީލް އެޑިއުކޭޝަން މިނިސްޓްރީއިން ހާމަކުރައްވާފައެއް އިދިއެއް ނުވެއެވެ.

ލިލީން ސްކޫލްތަކަށް 100،000 މާސްކު ހަދިޔާ ކޮށްފައި މިވަނީ މާލެ ސަރަހައްދުގައި ކޯވިޑްގެ ކޭސްތައް އިތުރުވުމުގެ ސަބަބުން ސްކޫލްތައް ބަންދުކޮށްފައިވާ ދުވަސްވަރެއްގައެވެ.

ސްކޫލްތައް އަލުން ހުޅުވައި އާއްމު ހާލަތެއްގައި ކިޔަވައި ދެވޭން ފެށޭނެ ތާރީޚެއް މިނިސްޓްރީން ހާމަކުރައްވާފައި ނުވާއިރު، އެޑިއުކޭޝަން މިނިސްޓްރީން ސުކޫލު މާޙައުލަކީ ރައްކާތެރި މާޙައުލެއްކަން ކަށަވަރުކުރުމަށް ގިނަ ފިޔަވަޅުތަކެއް ވަނީ އަޅާފައެވެ.