އެމްޑީޕީ ބައިބައިވެގެން ނުދާނެ ކަމަށާއި އެ ޕާޓީ ބައިބައި ނުވެސް ކުރެވޭނެ ކަމަށް އެމްޑީޕީގެ ޗެއާޕާސަން، އަދި ހެންވޭރު ހުޅަނގު ދާއިރާގެ މެންބަރު ހަސަން ލަތީފް ވިދާޅުވެއްޖެއެވެ.
ހަސަން މިހެން ވިދާޅުވެފައިމިވަނީ އެމްޑީޕީ ބައިބައިވެގެން ނުދާނެ ކަމަށް އެ ޕާޓީގެ ރައީސް، މުހައްމަދު ނަޝީދު ވިދާޅުވެފައިވާ ކަމަށް ލިޔެފައިވާ ހަބަރެއް ޓްވިޓާގައި ޝެއާ ކުރައްވަމުންނެވެ.
އެގޮތުން ހަސަން ވިދާޅުވީ އެމްޑީޕީ ބައިބައި ނުވާނެ ކަމަށާއި އަދި ނުވެސް ކުރެވޭނެ ކަމަށެވެ. އަދި އެމްޑީޕީގެ މެމްބަރުން އެކަން އެހެން ވިޔަކަ ނުދޭނެ ކަމަށާއި އެމްޑީޕީ ބައިބައި ކުރެވިދާނެ ކަމަށް ހީކޮށް އެ މަސައްކަތް ކުރާ މީހުން އެކުރަނީ ވަރަށް ބޭކާރު މަސައްކަތެއް ކަމަށްވެސް ހަސަން ވިދާޅުވިއެވެ.
@MDPSecretariat bai baeh nuvaane, nuves kureveyne. Mi Partyge memberun ekan ehen viyakaves nudheyne. Bai bai kurevidhaane kamah heekoh e masakkaiy kuraa meehun ekuranee varah beykaaru masakkatheh. https://t.co/qKpWfyiJaE
— Hassan Latheef???? (@HassanLatheef) September 14, 2020
އެމްޑީޕީ ތެރޭގައި ހިޔާލު ތަފާތުވެ އެ ޕާޓީގެ އެންމެ އިސް ފަރާތާ މެެދު ސުވާލު އުފެދިފައިވާ މި ދަނޑިވަޅުގައި މެމްބަރުން ހިމެނިވަޑައިގަންނަވާ ގްރޫޕެއްގައި އިއްޔެ ދެއްވި ކުރު މެސެޖެއްގައި ރައިސް ނަޝީދު ވަނީ އަބަދުވެސް ހިޔާލު ތަފާތު ވާނެ ކަމަށާއި ނަމަވެސް އެކަމާ ކަންބޮޑު ނުވުމަށް އެދޭ ކަމަށް ވިދާޅުވެފައެވެ.
“ކަންބޮޑުނުވޭ، މިޕާޓީ ބައިބައި ނުވާނެ، އަަބަދުވެސް ހިޔާލުތަފާތު ވާނެ” ނަޝީދު ވިދާޅުވިއެވެ.