ދެހާސް ތޭވީސް ވަނަ އަހަރު ބާއްވާ ރިޔާސީ އިންތިހާބުގެ ރިޔާސީ ކެންޑިޑޭޓުންގެ ލިސްޓުގައި ކުރީގެ ރައީސް އަބްދުﷲ ޔާމީން އަބްދުލްގައްޔޫމްގެ ނަންފުޅު އޮންނާނެ ކަމަށް މަޑުއްވަރީ ދާއިރާގެ މެންބަރު އާދަމް ޝަރީފް ވިދާޅުވެއްޖެއެވެ.
އާދަމް ޝަރީފް މިރޭ ކުރެއްވި ޓުވީޓެއްގައި ވިދާޅުވީ ރައީސް ޔާމީން ދިވެހި ގައުމުގެ ސިޔާދަތާއި މިނިވަންކަން ދިވެހި ރައްޔިތުންނަށް އަލުން ހޯއްދަވައި ދެއްވާނެ ކަމަށާއި ރާއްޖޭގެ ރައްޔިތުންނަށް ހިދުމަތް ކުރުމަށްޓަކައި އެމަނިކުފާނު އެނބުރި އަދި އަންނާނެ ކަމަށެވެ.
Raajjeyge minivankamaai siyaadhathah nurakkaavaane hurihaa ebbasvunthah, RY verikamah vadaigathumah fahu uvaalaanan. 2023 ge riyaasee candidate list gai RY ge nanfulhu onnaane, IA.Emanikufaanu qaumuge siyaadhathu alun hoadhdhavai dhevvaane, Rayyithunnah khidhumaiy kuravvaane.IA.
— Adam Shareef Umar (@Adamshareefz) September 27, 2020
ދެން އޮންނަ ރިޔާސީ އިންތިހާބެއްގައި ރައީސް ޔާމީންގެ ނަންފުޅު ވޯޓު ކަރުދާހުގައި އޮންނާނެ ކަމަށް އާދަމް ޝަރީފް ވިދާޅުވިއިރު ރައީސް ޔާމީންގެ ހުކުމަށް އަދި އެއް އަހަރުވެސް ނުވެއެވެ. ބާކީ ހަތަރު އަހަރު އޮތްއިރު ދައުލަތުން ވަނީ އަނެއްކާވެސް މަނީ ލޯންޑަރިންގެ އިތުރު ދައުވާ އެއް ރައީސް ޔާމީނަށް އުފުލާފައެވެ. އަދި ރިޝްވަތުގެ ދައުވާ އެއްވެސް އެމަނިކުފާނަށް ވަނީ އުފުލާފައެވެ.
advertisment