ރާއްޖެ ހިފިދާނެ ކަމަށް ސަރުކާރުން ބުނުމަކީ ރައްޔިތުންގެ ސަލާމަތާ މެދު އެއްވެސް ޔަގީންކަމެއް ނެތްކަން ދޭހަކޮށްދޭ ކަމެއް ކަމަށް މަޑުއްވަރީ ދާއިރާގެ މެމްބަރު އަދި ޕީއެންސީގެ ނައިބް ރައީސް އާދަމް ޝަރީފް އުމަރު ވިދާޅުވެއްޖެއެވެ.
އާދަމް ޝަރީފް މިހެން ވިދާޅުވީ އިންޑިއާ އިން ރާއްޖެ ހިފަން ބޭނުން ނަމަ، ދިވެހިން މަރާފައި ވިޔަސް އެކަން ކުރާނެ ކަމަށް އިކޮނޮމިކް މިނިސްޓަރު ފައްޔާޒު އިސްމާއިލް ވިދާޅުވުމާ ގުޅިގެންނެވެ.
ފައްޔަޒަށް ރައްދު ދެއްވައި އާދަމް ޝަރީފް ކުރެއްވި ޓްވީޓެއްގައި ވިދާޅުވީ ބަވަނަވެފައިވާ ދުނިޔެއެއްގައި އެއްވެސް ގައުމަކަށް ރާއްޖެއެއް ނުހިފޭނެ ކަމަށާއި ހުރިހާ ދިވެހިން މަރާފައި ނަމަވެސް އިންޑިއާ ބޭނުންނަމަ ރާއްޖެ ހިފިދާނެ ކަމަށް ސަރުކާރުން ބުނުމަކީ ރައްޔިތުންގެ ސަލާމަތާ ރައްކާތެރިކަމާ މެދު އެއްވެސް ޔަގީންކަމެއް ނެތްކަން ދޭހަކޮށްދޭ ކަމެއް ކަމަށެވެ.
Bavanavefaivaa dhuniye ehgai, evves qaumakah DhivehiRaajje nuhifeyne! Hurihaa Dhivehin maraafai ves India beynun nama, Raajje hifaanekamah sarukaarun bunumakee rayyithunge salaamathaai rakkaatherikamaai medhu evves yaqeenkameh neiykan dheha kohdhey kameh. https://t.co/Ni7aej0duP
— Adam Shareef Umar (@Adamshareefz) October 11, 2020
މިނިސްޓަރު ފައްޔާޒު ވިދާޅުވި ގޮތުގައި އިންޑިއާ އިން ރާއްޖެ ހިފައި، އެގައުމުގެ އަތްދަށަށް ރާއްޖެ ގެންނަ ބޭނުންވާ ނަމަ މިހާރު ވެސް އެކަން އޮންނާނީ ކޮށްފައި ކަމަށެވެ. އަދި އެކަމުގައި ރާއްޖެއަށް “ކުރެވޭނެ އެއްވެސް ކަމެއް ނޯންނާނެ” ކަމަށް ފައްޔާޒު ވިދާޅުވި އެވެ.
އޭގެ މާނައަކީ ރާއްޖޭގެ ސިފައިން ބަލިކަށިވުމެއް ނޫން ކަމަށާއި ރާއްޖޭގެ ސިފައިނަށް ވުރެ އިންޑިއާއަކީ ބާރު ގަދަ ގައުމެއް ކަމަށް އޭނާ ވިދާޅުވި އެވެ.
advertisment